Istwa sou lanmò lidè Eta Islamik la jedi, ke otorite ameriken nan administrasyon Biden-nan rakonte, vini kèk èd-tan apre nouvèl sou yon kokenn operasyon kont teworis te premye koumanse sikile, soti nan Atmeh, yon bouk nan pwovens Idlib nan Siri, pa lwen fwontyè ak Turki.
Sa yo rakonte sou medya sosyal yo dekri elikòptè ak fòs ameriken-yo ki t-ap desann sou bilding 3 etaj la nan kad yon operasyon ki te dire kèk èd-tan, kote kèk nan istwa-yo di fòs ameriken yo te sèvi ak opalè pou fè sivil kite bilding-nan anvan yon kokenn batay ak zam te pete.
Men otorite ameriken yo, ki pa vle non yo site, fè konnen pifò lanmò ak destriksyon ki fèt yo, sa ki lakoz yo se al-Mawla, ke yo rele tou Abu Ibrahim al-Hashimi al-Qurashi, ansanm ak Hajji Abdallah, ak youn nan asistan-li-yo ki yo-menm tou te detèmine pou Ameriken pa pran-yo vivan.