Accessibility links

Breaking News

Amerik Latinn Mande yon pi Gwo Reprezantasyon nan FMI


Prezidan bank santral meksik la Agustin Carstens (AP Photo/Marco Ugarte)
Prezidan bank santral meksik la Agustin Carstens (AP Photo/Marco Ugarte)

Prezidan Bank Santral peyi Meksik la, Agustin Carstens , deklare peyi nan rejyon Amerik Latinn nan merite yon pi gwo reprezantasyon nan Fon Monetè Entènasyonal la.

Mesye Carstens pale konsa nan peyi Brezil kote l ap chèche sipò pou kandidati l pou pòs direktè FMI.

Bankye meksiken an rankontre minis finans Brezil la, Guido Montega, nan kapital brezilyèn nan Brasilia e li gen pou l chita-tande tou ak alatèt bank santral Brezil la , Alexandre Tombini, nan Sao Paulo jedi 2 jen 2011 la.

Lendi ki sot pase la a, minis finans fransè a Michel Lagarde te nan peyi Brezil tou kote li t ap men-nen kanpay pou menm pòs la aprè demisyon Mesye Dominique Straus-Khan mwa pase a akoz pwosè l pou abi seksuèl.

XS
SM
MD
LG