Depatman lajistis Lèzetazini lanse yon aksyon an jistis nan tribinal federal kont Eta Arizona. Plent la fè konnen travay pou fè respekte lwa imigrasyon se yon responsabilite federal e lwa Eta Arizona adopte nan sans sa a, anpyete sou privilèj ak otorite administrasyon federal la. Lwa Arizona a, ki gen pou antre ann aplikasyon pi ta mwa sa a , bay lapolis tcheke estati imigrasyon yon moun si yon polisye gen rezon pou l sispèk moun sa a ap viv ilegalman nan peyi a. Arizona ap tounen premye eta ki konsidere imigrasyon ilegal kòm yon krim; li ajoute pwòp pinisyon ak règleman pa l sou lwa gouvènman federal la. Obsèvatè yo gen plizyè semèn depi yo t ap tann aksyon jistis sa a. Prezidan ameriken an, Barack Obama, di li konsidere desizyon Arizona a kòm yon move inisyativ e gwoup dwa sivik yo prevwa lwa sa a ap debouche sou diskriminasyion ki baze sou ras. Peyi Meksik deja di li pa dakò ak nouvo lwa sa a.