Accessibility links

Kesyon Sekirite a Nan Somè Amerik Yo


Chèf polis Port-Of Spain nan (kapital Trinidad), James Philbert, bay laprès asirans ke sekirite vizitè yo se pral prensipal preokipasyon Depatman li an pandan Somè Amerik yo ki fikse pou 17-19 Avril kap vini an nan Trinidad & Tobago.

Chèf Philbert di kapital trinidadyèn nan se pral teyat yon evènman enpòtan, e pou rezon sa a li dwe ofri tout vizitè pi gwo nivo pwoteksyon an. James Philbert ajoute: nan Depatman Polis li a, yo konsyan ke se premye fwa Somè Amerik yo ap dewoule nan yon peyi rejyon Tizantiy yo.

Otorite yo atann aske Plis pase 4 mil moun al asiste Somè a; kidonk fò sekirite yo genyen anpil preparatif pou yo fè an tèm lojistik. Mesye Philbert ajoute ke’l ka garanti Depatman Polis la ap senkwonikze tout mezi sekiritè li yo an koòdinasyon avèk lòt fòs polis rejyonal e entènasyonal yo.

Wòl lapolis, nap site mesye Philbert, se pwoteje delege 34 peyi manm OEA yo, vizitè ak mwayen kominikasyon yo.

Sa otorite yo pral veye pandan somè a se: menas teworism, krim, sekirite systèm enfòmatik la ak tout lòt atak posib ki ta ka sòti nan lè, nan lanmè ou pa vwa terès…

Pou fè fas ak menas sa yo, Sèvis Inite Espesyal la ap sipèvize tout aspè preparatif yo.

XS
SM
MD
LG