Accessibility links

Breaking News

Duèl Pami Klub Eropeyen Daprè Tiraj Osò a


Foutbòl / Eròp

Nan tiraj osò 8 tièm de final lig chanpyon Eropeyen an dewoule jodi a an Swis. Dapre tiraj osò a Chelsea gen pou rankontre Juventus de Turen, Spòting Lisbòn kont Bayern de Munich, Atletico de Madrid kont FC Porto, Lyon kont Barselòn, Real Madrid kont Liverpool, Villareal kont Panathinaikos, Arsenal kont AS Wom, Inter de Milan kont Manchester United. Match ale yo fikse pou 24 e 25 Fevriye 2009 match retou a ap jwe 10 e 11 Mas. Venkè yo ap kalifye pou kar de final la.

Te gen tiraj osò pou koup UEFA a tou. Werder de Brem gen pou rankontre Milan AC nan premye tou a.Chanpyon sòtan an Zenit St Petersburg gen pou rankontre Stuttgart epi CSKA de Moskou pral woule balon fas a Aston Villa. Ajax Amsterdam gen pou rankontre Fiorentina nan kèk pami rankont UEFA a kap gen patisipasyon 32 ekip—24 klub regulye ak 8 lòt ki te klase 3 zièm nan Lig Chanpyon an. Match ale a ap jwe 18 e 19 Fevriye epi Match retou a fikse pou 26 Fevriye.

Tantativ klub football espayòl FC Seville tap fè pou l ranpòte yon 3 zièm tit UEFA tonbe nan dlo apre defèt 1 a 0 yo subi devan Sampdoria de Jè n. Lòt ekip ki kalifye pou faz dechoukaj la se Tottenham, NEC Nijmegen, Pari Sen Jermen ak Olenpyakos.

Foutbòl/ U-20

Seleksyon nasyonal football Tayiti a kalifye pou faz final koup du mond Ejipt 2009 la apre li fini an tèt group Oseani malgre prezans Nouvèl Zeland nan group la.

Dimanch kap fini la a la tè pral tranble O Japon nan okazyon final koup du mond klub yo lè Manchester United ap rankontre Liga de Quito. Poko fè prediksyon menm lè klub angle a favori.

Presyon/presyon nan chanpyona Eropeyen an pandan Weekend –nan.

An Frans Lyon gen anpil kè sote pou fason yon Marseille, Bordo ak Pari Sen Jermen ap talon-nenn. Lyonè yo bezwen yon viktwa Samdi fas ak Caen pou fèmen sezon an kelke swa rezulta rankont OM gen pou jwe kont Nancy, Bordo kont Monaco epi PSG kont Valenciennes.

An Angletè Chelsea pral chache yon 3 pwen lè lap rankontre Everton ak espwa pou l pran distans li ak Manchester United. Duèl ant Arsenal ak Liverpool pral kreye suspenn lakay fanatik yo.

An Espay Real Madrid, ki an 6 zièm pozisyon, ap jwe kont Valans ki klase 2 zièm. Atletiko de Madrid pral obsève rankont sa a ak anpil atansyon. Nan Dimanch FC Barselòn pral lakay Villarreal.

An Itali Inter de Milan, kap dodomeya nan Seri A a, gen pou l vizite Sienne. Juventus de Turen ki an 2 zièm pozisyon pral lakay Atalanta Bergame. Naple kap vizite Torino nan vil Turen epi Milan AC, kap gen sèvis tanporè Angle David Beckham, ap akeyi Udinese nan yon batay pou 3 zièm plas la. Kesyon ap poze pou konnen èske Milan AC pral ofri David Beckham yon kado nwèl. Responsab Milanè yo gen pou prezante Beckham bay publik la nan okazyon rankont la. AS Wòm, kap rankontre Catane pral montre se pa san rezon li sot ranpòte 8 viktwa afile nan chanpyona Italyen an.

Nan Turki pral gen yon duel ant Galatasaray ak Besiktas. Nan La Oland duel ant 2 belijeran PSV Eindovhen kont Feyernoord.

Baskètbòl

Brandon Roy make 52 pwen pou ede Portland Trail Blazers ranpòte yon viktwa tou mens 124 a 119 devan Phoenix Suns. Steve Blake ajoute 22 pwen nan viktwa. Orlando Majik pilon-nen San Antonio Spurs 90 a 78.

Foutbòl/Ameriken

Indianapolis Colts kalifye pou faz final chanpyona football zèpòl kare ameriken an gras yon dènye efò pou yo kale Jacksonvil Jaguars 31 a 24.

XS
SM
MD
LG