Accessibility links

Pap Jan-Pòl II Fete 84èm Anivèsè li - 2004-05-20


Chèf Legliz Katolik womèn nan, Pap Jan-Pòl II, sot’ fete 84-èm anivèsè li semèn sa a. Tankou Dorcil pral di nou, anivèsè sa a pase san twòp fanfa, an wetan publikasyon yon liv Sen Pè a otorize.

Sou Plas Sen-Pyè nan vil Wòm, se pa tout pèleren yo ki te konnen madi 18 me a se anivèsè Souvren Pontif la, yon lidè ki pa viv sante. Youn ladan yo di, “M’kwè depi li san sante e depi l’kapab ranpli fonksyon ni nou ta dwe pètèt kite l' nan tèt legliz la paske anpil moun apresye li e li fè anpil bon bagay pou legliz katolik.” Avrèdi, Lepap oblije ralanti ritm aktivite li akòz laj li men li detèmine pou li kontinye misyon ni.

Reveran Pè Keith Pecklers, yon jezwit ki abitye kòmante sa kap pase nan Vatikan, di pap la se yon nonm ki gen anpil lafwa e ki pral kontinye wout la toutotan l’kapab.

Nan segman jodi a, nou envite yon relijyez ayisyèn nan New York, Sè Lucie, ki ede nou reflechi sou lavi ak misyon Pap la.

XS
SM
MD
LG