Accessibility links

Elektè yo Ap Vote Dimanche 16 Me a Nan Repiblik Dominikèn. - 2004-05-16


Eleksyon nasyonal ap dewoule dimanch 16 me a nan Repiblik Dominikèn, kote prezidan sòtan an, Hipolito Mejia, ap tope kòn li ak ansyen prezidan Leonel Fernandez (1996-2000). Dènye sondaj opinyon yo montre 54 pou san sitwayen ki gen laj pou vote e ki konte al lage bilten jodi dimanch lan apiye m'sye Fernandez kont 30 pou san anfavè m’sye Mejia e 10 pou san Eduardo Estrella, twazyèm kandida a.

Chwa difisil ki devan elektè yo nan eleksyon sa a se: kiyès pami 2 prensipal kandida yo ki kapab wete peyi yo nan kriz ekonomik malouk lap traverse depi plizyè dizèn lane a. Prezidan Mejia di se pa li ki kreye pwoblèm yo e l’ ajoute politik fiskal mare-senti m’sye Frenandez pwopoze yo pral fè sitiasyon vinn pi mal toujou.

Si okenn nan kandida yo pa ranpòte 50 pou san vòt yo, 2 rival ki fini an premye yo va ale nan yon dezyèm tou nan karannsenk (45) jou, swa le 30 jen.

Pandan 2 dènye ane yo, sitiasyon ekonomik la vinn pi grav nan Repiblik Dominikèn. Enflasyon an rive karnntwa ( 43%) pou sanpou san; chomaj ap vale teren e 400 milyon dola peyi a dwe antrepriz kap founi kouran yo lakòz yo pa bay kouran, rezilta: blakawout fè mòlmèk nan peyi panyòl.

Mete sou sa, eskandal magouy lajan ki te afekte ane pase 2zyèm pi gran bank Repiblik Dominikèn nan pwovoke yon pèt 2 milya dola nan sektè ekonomik la apre envestisè etranje yo te deside wete lajan yo nan peyi a.

(Nouvo devlopman: nouvèl yo fè konnen gen 3 moun mouri e 2 lòt blese pandan yon boukantay kout zam nan yon biwo vòt Barahona, yon vil ki sou yon distan 180 kilomèt pa rapò ak rejyon sidwès kapital la, Santo-Domingo. Repiblik Dominikèn gen yon popilasyon 8 milyon 500 mil abitan.)

XS
SM
MD
LG