Accessibility links

Sitiyasyon Politisyen Katolik Ozetazini - 2004-05-13


Kandida ki pral jwenn nominasyon pati demokrat la pou prezidansyèl novanm yo ozetazini, Senatè John Kerry, ap fè fas ak kèk kesyon difisil konsènan relijyon ni. Msye Kerry se yon fidèl Katolik.

John Kerry ap fè fas ak kèk kesyon difisil se vre, men nap prese raple, pou moun ki renmen listwa, ke kesyon l'ap konfwonte yo diferan ak sa ki te devan John Fitzgerald Kennedy, dènye kandida a la prezidans ki te katolik nan peyi Etazini.

An 1960, Kennedy, ki te yon jenn senatè, te oblije defann tèt li kont moun ki te vle fè konprann, paske li te yon fidèl Katolik sa ta pral enfliyanse wòl li kòm chèf deta. Men Senatè Kerry twouve l' anba akizasyon dèske li kite lobedyans politik li enfliyanse li e fè l' pa pran responsablite l' vizavi fwa Katolik la.

Sa mete aklè tout defi ki poze alèkile pou politisyen Katolik Ozetazini. Si ou vle konnen plis sou sijè sa a, ak reyaksyon plizyè zotobre Katolik ameriken fak ak senatè Massachusetts la, klike sou lyen ki anwo atik sa a epi koute repòtaj nou an.

XS
SM
MD
LG