Depi kèk jou, tèm Pasyon Kris la nan lespri piblik la, akòz piblikasyon yon film Mel Gibson, non sèlman ozetazini, men tou nan anpil lòt peyi. Poutan, anpil moun toujou pa konprann vrè sans Labib bay evènman sa a, ki se somè kalandriye Kretyen an. Envite Paj Relijyon an jodi a se Pastè Pierre Antoine Francillon, ki gen yon kongregasyon Batis nan zòn Pétion-Ville, Ayiti. Li ede nou pote kèk limyè sou Pasyon an ak Pak Kretyen an.