Accessibility links

Breaking News

Yon Delegasyon Pèsonalite Afriken-Ameriken e Jamayiken ap Eskòte Ansyen Prezidan Aristide al Jamayik. - 2004-03-14


Yon delegasyon 5 pèsonalite nwa ameriken ak diyitè jamayiken rive abò yon avyon charter nan vil Bangui, kapital Repiblik Santr'Afrik, kote yo pral eskòte ansyen prezidan ayisyen Jean-Bertrand Aristide ak madanm li kap kite Bangui lendi 15 mas la pou peyi Jamayik. Msye ak madan Aristide dwe al reyini nan Kingston ak 2 pitit fi yo ke ansyen koup prezidansyèl ayisyen an te voye Nouyòk pou sekirite yo anvan yo te kite Ayiti dimanch 29 fevriye 2004 la. Pami pèsonalite ameriken kap akonpaye ansyen lidè ayisyen an, genyen depite demokrat Kaliforni an, Maxine Waters. Samdi, ambasadè Ameriken nan Pòtoprens lan, James Foley, te deklare “otorite jamayiken yo sètènman pran yon gwo risk e yon gwo responsablite lè yo aksepte msye Aristide vinn Jamayik”. Otorite jamayiken yo di lidè dechi ayisyen an ap pase ant 8 a 10 semèn lakay yo, ann’atandan li jwenn yon peyi kap ba l' yon azil pèmanan. Anpil peyi sanble renka bay msye Aristide azil akòz konsekans diplomatik akizasyon li lanse kont peyi Etazini li di ki te fòse’l kite pouvwa a-akizasyon Lèzetazini rejte kòm manti tou pi men ki fè patizan Aristide yo move anpil kont prezans twoup ameriken yo nan tèt fòs miltinasyonal ki an’n Ayiti depi demisyon ak depar ann'ekzil ansyen prezidan an. Vandredi, merinn ameriken te yo fè konnen nèg ame te louvri kout zam sou yo nan Lasalinn (yon bidonvil ki chaje ak militan pati Lavalas msye Aristide la) e touye 2 moun. Kèk temwen fè konnen viktim yo se te 2(le gadè)spektatè. Men majò merinn, Richard Crusan, fè remake “règleman ki otorize merinn yo louvri fe sou yon sib trè presi” e’l mande ”eske sòlda‘l yo te tire sou lòt moun”? Sepandan, paran viktim nan, Frantzy Louis, di pitit yo pat yon militan Lavalas. Depi debakman yo nan peyi dAyiti, twoup ameriken yo tire e touye 6 ayisyen. Kòmandan an chef fòs zame ameriken yo, jeneral Richard Myers, te fè yon visit samdi nan Pòtoprens, kote li vizite sòlda ameriken yo nan ganizon yo e bay nan men avèk yo. Men li pat rankontre ak okenn pèsonalite ayisyen. Nan yon konferans pou lapress, li deklare apwopo prezans msye Aristide nan rejyon karayib la e’l ajoute, Lèzetazini pa vinn pran pozisyon pou okenn kan nan peyi dAyiti, men li avèti merinn yo gen dwa pou yo defann tèt yo.

XS
SM
MD
LG