Accessibility links

Fòs Miltinasyonal la Mande Tout Ayisyen ki pa Gen Lisans Zam a fe, Remèt Zam yo bay Otorite Lokal yo. - 2004-03-05


Responsab fòs sekurite miltinasyonal la bay yon konferans pou laprès kote yo mande tout moun ki posede zam ilegalman remèt zam yo. Yon lòt kote, plizyè milye patizan ansyen prezidan Jean Bertrand Aristide pran lari nan Pòtoprens vandredi 4 mas la pou reklame retou lidè yo a nan peyi dAyiti. Manifestan yo tap chante slogan kont prezidan Bush. Misye Aristide (ki deja pase 5 jou an egzil nan peyi Republik Santr-Afrikèn)akuze Lèzetazini deske se li ki te fòse'l kite pouvwa a--yon akuzasyon Washington demanti. Pandansetan, pati konsène yo nan peyi d’Ayiti fòme yon konsèy 7 manm ki pral genyen pou chwazi yon nouvo premye-minis. Menm vandredi 4 mas la, sòlda ameriken ak fransè nan fòs miltinasyonal la kòmanse kite kapital la, Pòtoprens, pou yo ale nan zòn riral yo, kote ya'l ede polis rejyonal-yo retabli lòd.

XS
SM
MD
LG