Yon nouvo akizasyon dwòg tonbe yon fwa ankò sou prezidan ayisyen an, Jean- Bertrand Aristide, nan moman plizyè sektè nasyonal e entènasyonal ap reklame demisyon li nan tèt pouvwa a.
Gouvènman Lavalas la, atravè yon pòtpawòl, demanti akizasyon yon prevni ki anba men otorite ameriken yo nan Eta Florid, USA, (Jacques Kétant) lanse sou prezidan Aristide pou di lidè ayisyen an mele nan trafik nakotik. Anvwaye espesyal Sèvis Kreyòl la nan peyi dAyiti, Ronald César, ap pote nan repòtaj sa a reyaksyon responsab ayisyen an ansanm ak dènye devlopman sou situasyon politik la nan repiblik karayibeyen an.