Accessibility links

Kreyòl Pale:Gad, Sendic, Sendik - 2004-02-27


Jan mwen fè’l ase souvan pou pwogram sa a, mwen pral fouye nan souvni mwen pou’m rale tè’m segman jodi a. Si’m pat genyen resouss sa a, ase souvan, mwen pa ta konnen ki kote’m gad avèk oditè yo, men sitou avèk supèvizè a, Oscar Minoso Bachiller. Msye, plis ke yon gad tap tounen yon sendik nan kò mwen ! Wi, yon sendik ! Sendik nou tande mwen pale la-a, kontrèman ak sa anpil nan oditè yo ta konprann, pa yon mo kreyòl, men pito yon mo franse ki antre tankou anpil lòt nan lang nou an. Nou jwenn li, tanto kòm nom komen e kòm non pwòp. Mwen sonje bonba kay grann mwen te gen yon vwazen’li ki rele Sendic. Men, msye pat yon sendik nan kò pèsonn, men avèk li mwen te konn kote'm gad. E, tankou sa te ye nan tan m'tap leve, yon sèl koute je li ba ou, ou te konnen fòk ou pran mwen ou si ou tap fè yon bagay kwochi. Apa sa, Sendik, se te yon bon gason...yon bon moun. Pa menm jan ak Sendik nou jwenn nan lang franse-a. An franse yon sendik ( Syndic, se yon liquidateur, yon fonde pouvwa (mwen ta di yon huissier) la justis voye lakay ou pou fè ou degèpi apre yon desizyon lajustis. Se pou sa, lè yon mèt kay lage yon sendik nan kò yon lokatè, lokatè sa a pa konnen ki kote pou’l mete tèt li. Kidonk, yon sendik, se yon reprezantan la lwa, leta. Li pa yon leta, tankou nou ta di’l nan peyi d’Ayiti, men li chaje ak otorite, plis otorite ke yon gad.

Koute rès la sou lïy ble anlè tèks la

XS
SM
MD
LG