San kontinye koule nan vil Gonayiv kote yon segman nan popilasyon an mobilize san pran souf kont rejim Lavalas la. Duc Jonathan Joseph di nou patizan group kap chache ranvèse prezidan Jean-Bertrand Aristide atake yon pòs polis e yo detwi li. Nan lese-frape yo gen yon patizan gouvènman ki mouri boule, 2 moun blese, yon kay boule. Nan mwa ki sot' pase yo, patizan Lavalas yo te konn komèt anpil zak vyolans nan Depatman Latibonit la kont moun ki pa dakò ak rejim Msye Aristide la.