Accessibility links

Ayiti-Bisantnè: Pozisyon Legliz - 2004-01-02


Nan peyi d'Ayiti, yon peyi kote majorite popilasyon an, pou n’pa di tout popilasyon an, rekonèt li nan yon kwayans kèlkonk, li enpòtan pou kominote lafwa yo reflechi sou wòl yo nan evènman 2004 la. Jodi a, nan Paj Relijyon an, n'ap koze ak tewolojyen, pastè, ekriven ayisyen Fritz Fontus.

Nan moman kote responsab legliz yo ap anvizaje wòl yo ak kontribisyon yo dwe fè nan selebrasyon 2004 la ann Ayiti, gen sektè ki siyale, e pa san rezon nèt, ke legliz ak politik pa ta dwe bwè nan menm vè. Poutan, tankou Pastè Fontus di li, moun ki pretann yo gen yon standa pi elve, ki kwè nan moralite, ki gen lafwa, yo gen plas yo nan arèn politik la, menmsi legliz an tan ke enstitisyon pa dwe antre nan politik.

Reveran Fritz Fontus kwè kretyen ayisyen ta dwe suiv egzanp Daniel, ak lòt pèsonaj biblik ki te aktif politikman men ki te fè prensip yo triyonfe san konpwomisyon.

Pastè Fritz Fontus te pibliye, sa pa gen lontan, yon dokiman spesyal nan okazyon bisantnè endepandans Ayiti a. Ladan n' li preche anfavè yon nouvo derapman, yon nouvo kontra, ant pitit tè d'Ayiti, e yon re-konsekrasyon patri ayisyèn nan pou Bondye ak verite ki nan Levanjil la.

XS
SM
MD
LG