Joseph Murrenz Constant se yon jenn pè Episkopal, ki resevwa fòmasyon tewolojik li isit Ozetazini, apre li te kite yon karyè li te kòmanse avèk siksè nan jeni sivil pou li te reponn sa li kwè ki te yon apèl pou li antre nan ministè evanjelik. Pawas li a, Sen Timote, chita nan yon zòn defavorize, anpalan de Sidès Washington, DC. Pè Constant di nou legliz sa a ap travay sou divès pwojè. Genyen lòt tou li ta renmen mete sou pye nan kapital federal Etazini an. Koute dezyèm e dènye pati ti kozman nou te fè ak li a.