Accessibility links

Nouvo Zak Vyolans Menase Seselfe Izrayèl ak Palestinyen yo - 2003-08-12


Otorite izrayelyen yo fè konnen 2 konpatriyòt yo jwenn lanmò nan 2 atanta-ak-bonm ki fèt nan mwens ke inèdtan. Lapolis di nan premye atak la, yon kamikaz palestinyen sote tèt li devan yon mache, nan vilaj Rosh Haayin, ki toupre Tel-Aviv. Eksplozyon an touye yon Izrayelyen e blese omwen 10 lòt. Yon faksyon ki an rebelyon nan mouvman Fatah Yasser Arafat la pran responsablite l' pou atak sila a. Mwens ke inèdtan apre sa, yon eksplozyon-suisid fèt nan Ariel, yon koloni jwif nan Sisjòdani: omwen yon Izrayelyen mouri e 2 lòt blese. Gwoup militan islamik Hamas fè konnen se youn nan manm li yo ki lanse dezyèm atak la. Gouvènman izrayelyen an kanpe sou liberasyon 70 prizonye palestinyen, ke li tapral lage nan kad aplikasyon plan lapè MwayennOryan an.

XS
SM
MD
LG