Accessibility links

3 Manifestan Iranyen Mete Dife Sou yo an’n Ewòp - 2003-06-19


3 iranyen ensandye tèt yo nan 2 manifestasyon diferan ki dewoule sou kontinan ewopeyen an pou pwoteste kont operasyon bale-wouze Lafrans lanse kont gwoup opozisyon iranyen:Moudjayedinn Pèp la.3 zòm yo komèt aksyon sa a jedi pandan yon manifestasyon ki tap dewoule devan anbasad fransè a nan vil Wòm(Itali) ak nan kapital Suiss la, Berne.

Antretan, lapolis anonse dam ki te mete dife sou li mèkredi nan vil Paris a trepase nan demen. Manifestan yo tap pwoteste kont operasyon bale-wouze otorite fransè yo deklanche madi pase kont gwoup disidan iranyen an---operasyon ki pèmèt yo arete 160 ekzile, manm mouvman Moudjayedinn Pèp la.

Lèzetazuni ak Unyon Ewòp la mete mouvman an (Moudjayedin Pèp la) sou lis gwoup teworis yo, e yon gwo responsab gouvènman fransè a deklare gwoup la tap prepare plizyè atak kont misyon diplomatik Iran genyen sou kontinan ewopeyen an.

XS
SM
MD
LG