Accessibility links

Omwen 7 Mounn Mouri Nan Nouvo Atak Izrayèl lanse Jedi - 2003-06-12


Kèk sous medikal palestinyen fè konnen yon lidè group militan Hamas trouve l pami 7 mounn ki mouri nan nouvo atak ak misil Izrayèl lanse jodi jedi a nan vil Gaza a. Daprè kèk temwen, elikoptè konba izrayelyen tire plizyè misil sou yon otomobil ki te gen ladan kèk militan Hamas.

Pami viktim yo, genyen Yasser Taha, yon lidè zèl militè group Hamas. Otorite izrayelyen ak militan palestinyen yo avèti pral gen plis zak vyolans aprè atak yè mèkredi a ki te touye yon total 27 kretyen vivan nan tou 2 kan yo. Atak ki fè plis viktim nan (16 izrayelyen) se atak Hamas te lanse yè nan Jerusalem nan. Sekretè deta ameriken an Colin Powell mande nasyon yo pou yo denonse group tankou Hamas e pou yo elimine sous kap finanse yo.

XS
SM
MD
LG