Accessibility links

Inisyativ Sosyete Sivil la Gen Dout Prezidan Preval Ka Reyalize Tout  Pwojè Wout li Anonse 18 me Pase a


<!-- IMAGE -->

Nan vil Lakayè, 18 me dènye a, prezidan ayisyen an, René Préval, pandan sa li rele dènye komemorasyon Fèt drapo a antanke prezidan, yon seri pwojè enfrastrikti pou amelyore e ranfòse mwayen kominikasyon terès peyi li pou ede fasilite ekoulman danre ak machandiz epitou dezanklave vil pwovens yo.

Devlopman mwayen kominikasyon terès yo, gras ak konstriksyon wout, pon, vyadik elatriye jwe yon gwo wòl nan devlopman yon peyi. Misye Préval konnen sa e nan preske tout diskou li, li pa janm rate okazyon pou l' pale sou "enfrastrikti", e 18 me a pat diferan--eksepte fwa sa a, prezidan an te sanble pi asire li kapab egzekite anpil nan pwojè li yo anvan manda li bout 7 fevriye 2011 la.

Men, si nou koute reyaksyon prezidan Inisyativ Sosyete Sivil la, Rosny Desroche, anons sa a sanble plis ak sa prezidan an ta renmen reyalize ke sa reyalite a ka pèmèt li akonpli nan ti tan ki rete li a e ak lajan li dispoze. Pou misye Desroches, genyen plis chans pou prezidan René Préval fè plis nan domèn edikasyon an ke nan domèn privilejye li a (enfrastrikti) paske genyen yon plan finansman Bank Entè ameriken Devlopman an prevwa pou sa.

NB: Koute sou ralonj ki anwo, adwat paj wèb la misye Desroches kap opine sou aspè "enfrastrikti woutye" ki te nan mesaj misye Préval delivre nan Lakayè lotre jou 18 me a.

XS
SM
MD
LG