Accessibility links

Breaking News

Ayiti – Nouvèl Orleans: 2 Lekòl Konekte Sou Entènèt Pou Yo Fè Echanj Kiltirèl


"Cour Prive Edma", yon lekòl nan Pòtoprens nan tèt kole ak SCI Academy, yon lekòl nan Nouvèl Orleans, Etazini, sot reyalize yon atelye 5 jou sou Ar ak kilti. Ti moun nan 2 lekòl sa yo rive wè youn lòt e kominike gras a yon video-kamera ki branche sou odinatè e ki konekte sou intènèt. Se Aspen Writers, yon òganizasyon prive ki baze nan eta Colorado, Etazini ki reyalize inisyativ sa a.

Lokal "Cour Prive Edma" kraze apre tranbleman detè a. aktivite yo fèt an plenn èr e anba tant. Direktris ekzekitif Aspen Writer,Lisa Consiglio, ki prezante Lavwadlamerik pwojè a ak objektif atelye 5 jou sa a deklare: «pwojè sa a ki rele “ Story Swap” (boukantaj istwa) ekziste nan Eta Colarado depi 3 zan. Nou te chwazi Ayiti ak Nouvèl Orleans pou n’ fè premye eksperyans entènasyonal nou paske 2 peyi sa yo gen demoninatè komen. Katastwòf natirel tankou tranbleman detè ak siklòn te frape yo. »

Aspen Writers varye aktivite yo nan atelye 5 jou sa a sou boukantaj ar ak istwa. Yo debat plizyè tèm tankou lidèchip, espwa ak rekonstriksyon.
Direktris pwojè a presize: « Gerizon mantal ti ayisyen yo se pa sèl objektif atelye sa a ki se yon echanj entè-kiltirèl. Nou gwoupe ti moun y pa 2. Yon ti moun ann Ayiti chwazi yon ti moun nan Nouvèl Orleans. Youn tande istwa lòt. Apre sa, youn ekri istwa lòt. »

Ti moun yo fè desen ak travo manyèl ki pèmèt youn aprann kilti lòt. Malgre distans ki separe 2 lekòl yo, ti moun yo rive wè youn lòt gras a kamera-video ki branche nan yon odinatè e ki konekte sou entènèt. Lisa Consiglio di li swete kontinye eksperyans sa a avèk lòt lekòl ki te viktim tranbleman detè a nan peyi Dayiti
XS
SM
MD
LG