Accessibility links

Breaking News

Pwogram Televizyon Popilè 'Dancing With The Stars' Pral Rann Omaj a Ayiti


Dancing With The Stars - kivledi Danse ak Vedèt Yo - se yon pwogram televizyon popilè ki pase chak Lendi ak Madi sou chèn televizyon ABC. Nan emisyon sila a pi bon pwofesyonèl nan domèn dans yo rele "danse de salon" an kole tèt ansanm ak vedèt Ameriken (nan tout kategori: spo, mizik, televizyon, sinema) pou yo prezante dans nan yon stil patikulye. Gen 3 juj pwofesyonèl ki ba yo mak e moun ki gen pi gwo mak yo nan fen sezon an ranpote gran pri a. Pandansetan, vedèt ki ranpote pi move mak yo elimine.

Se konsa, jodi Madi 30 Mas la, ki se premye emisyon eliminasyon sezon an, Ayiti pral jwe yon wol enpotan. Poukisa? Eben nan segman 'Stars Of Dance' la (savledi vedèt dans) ke magazen Macy's patwone, kèk pami meyè dansè Ayisyen nan domèn "dans de salon" an pral rann omaj a viktim tranbleman de tè 12 Janvye a. Pami yo genyen chanpyon mondyal stil dans ki rele mambo a, Emmanuel Pierre-Antoine. Yo prepare yon dans espesyal pou ale ak chante atis Latino Amerikèn Shakira a ki rele "Hips Don't Lie".

Vedèt mizik Ayisyen Wyclef Jean va prezante dansè yo atravè yon mesaj-videyo.

Apre pèfomans la, telespektatè yo va kapab kontribye lajan pou oganizasyon charite ki rele "Hope For Haiti" - setadi Espwa pou Ayiti atravè sit wèb chèn televizyon ABC a (www.abc.com).

XS
SM
MD
LG