Accessibility links

Breaking News

Ayiti Ap Negosye yon Pon Ayeryen avek Repiblik Dominikèn


Gouvèman Aysiyen an mande otorite dominiken yo otorizasyon pou l itilize ayeropò vil Baharona a (repiblik dominikèn) pou fè vòl komèsyal pou mounn ann Ayiti ki bezwen vwayaje. Nan yon premye tann otobis tap gen pou tranpòte moun yo nan ayeropò Baharona a. Gouvènman ayisyen an mande otorite dominikèn yo menm fasilite sa a pou moun ki a letranje yo, e ki bezwen antre ann Ayiti.

Prezidan ayisyen an, Rene Preval, te abòde dosye sa a avek minis afè etranjè dominiken an, Carlos Morales Troncos, nan moman li t’ap’ vizite Pòtoprens. Negosiyasyon yo ap rapousuiv ant 2 gouvènman yo. Dapre anbasadè ayisyen an nan repiblik dominikèn, Fritz Cineas, otorite ladwann, minis finans, responsab enpo, minis enteryè ak anbasadè 2 peyi yo pral tanmen yon gwo reyinyon lendi 25 janvye nan vil Jimani tou pre fwontyè a. Responsab yo pral gen pou siyien yon akò kap otorize pon ayeryen an. Y’ap’ gen pou syiyen yon lòt akò pou kite machandiz ak asistans pou viktim yo travèse fwontyè 2 peyi yo san taks e ki pral fasilite fòmalite ladwann yo.

Anbasadè Cineas ki tap reyaji sou ko-operasyon ant 2 peyi yo fè konnen malè ki rive Ayiti a vinn rapwoche Ayisyen ak dominiken. Chanselye a di: “Repilik dominikèn temwaye jenerozite l’ ak solidarite l’ avek Ayiti. Solidarite sa a manifeste nan tout kouch soyal yo, legliz katolik ak pwotestan, gouvènman an, sektè prive a ki òganize kolèk lajan pou viktim yo.”

Pou sa ki konsène 150 solda dominiken gouvènman Preval la otorize antre ann Ayiti, anbasadè Cineas fè konnen militè sa yo ap fè pati Misyon Stabilizasyon LONU an (MINUSTAH). Yo la pou bay konvwa iminanitè kap soti Sendomeng yo sekirite.

jleroy@voanews.com

klike sou ralonj ki anlè e adwat paj web la pou koute entèvyou Jean-Pierre Leroy avek anbasadè Ayisyen, Fritz Cineas

XS
SM
MD
LG