Accessibility links

Breaking News

Prezidan Préval Swete Ayiti : Lapè, Sekirite, Estabilite, Pou Ane 2010 la


Prezidan René Préval prezante bilan gouvènman lap dirije depi katran an nan okazyon diskou tradisyonèl premye janvye a, anivèsè edepandans Ayiti, nan vil Gonaïves. M. Préval bat bravo pou jesyon administrasyon li an ki" relanse pwodiksyon agrikòl la ak rekonstriksyon wout kominikasyon yo atravè peyi a". Selon prezidan an, relans sa a te posib gras ak klima sekirite e ak klima estabilite li tabli nan peyi a. Men li avèti enstabilite ak ensekirite ka deraye reayalizasyon ak pwojè sa yo.

Gras ak klima sekirite a, misye Préval di 12 mil moun an plis ap travay nan sektè soutretans la nan Pak Endistriyèl la, konpare ak 2006, kote chif la te 14.000. Chèf leta ayisyen an annonse administrasyon li an pral kontinye ak konstruksyon wout Sen-Mak la e anonse li pral kreye 50.000 djòbs atravè peyi a pandan ane 2010 la--chif ki kapab double ane pwochèn.

Réné Préval fè deklarasyon sa yo nan okazyon komemorasyon 206 èm anivèsè endepandans peyi li nan Gonaïves, apre li te asiste mès tradisyonèl 1er janvye a nan katedral Site endepandans la

XS
SM
MD
LG