Accessibility links

Lionel Messi, Marta Meyè Foutbolè FIFA pou 2009 la


Foutbòl/ FIFA/MESSI

Arjanten Lionel Messi ak brezilyen Marta deziye kòm foutbolè pou ane a dapre anons FIFA fè nan Zurik an Swis yè swa.

Messi resevwa pri a devan Pòtugè Cristiano Ronald ak Brezilyen Kaka, Xavi Hernandez e Andres Iniesta. Messi fè yon bon rekòlt pou ane ak yon total 3 tit ak FC Barselòn—Lig ak koup espayòl la san bliye Lig Chanpyon Eropeyen an. Msye resevwa balon dò Eropeyen an ak yon viktwa li pèmèt Barselòn ranpòte an pwolongasyon nan koup du mond Club yo devan Estudiantes.

Marta kap jwe nan seleksyon nasyonal Brezil la ak nan Los Anjeles Sol ranpòte mayòl la devan Cristiane, Angle Kelly Smith ak Alman Birgit Prinz e Inka Grings.

Tennis

Federasyon Tennis Entènasyonal la seleksyone numewo 1 tenis mondyal maskilen an Swis Roger Federer ak Serena Williams kòm chanpyon du mond pou ane 2009 la.

Federer konplete karyè l apre li ranpòte tounwa tenis Roland Garos la pou l bat yon rekò 15 tit gran Shelem pou l ranpòte pri a pou yon 5 kièm fwa. Federer pase devan espayòl Rafael Nadal pou l okipe numewo 1 tenis mondyal la pou fen ane a.

Serena Williams ranpòte tounwa Open Ostrali a ak Wimbledon nan pou l mete ak yon total 11 tit Gran Shelem pou l ranpòte pri a pou yon 2 zièm ane. Pou la premyè fwa Serena ak Venus ranpòte pri meyè ekip doub feminen pou ane a. Jwè tenis ameriken Bob ak Mike Bryant nonmen ekip doub mondyal maskilen pou yon 6 zièm fwa.

Venkè yo ap resevwa pri yo nan okazyon yon dine pandan dewoulman tounwa tenis Roland Garos la 1 Jwen nan vil Pari.

Sèbi chwazi pou l jwe match douvètu koup Davis la pou sezon 2010 la nan yon stad kouvèr kont Etazini. Match sa a fikse soti 5 pou rive 7 Mas. Venkè rankont la ap kalifye pou kar de final la.

Baskètbòl/ NBA

Sakramento Kings remonte yon defisi 35 pwen pou l kale Chikago Bulls 102 a 98. Lòt venkè yo se Cleveland, Milwaukee, San Antonio ak Orlando.

Foutbòl/ Etazini

New York Giants pilon-nen Washington Redskins 45 a 12 nan kad match football zèpòl kare ki jwe chak Lendi swa pandan sezon foutbòl kare a. Giants yo amelyore 8 viktwa kont 6 defèt—yon match dèyè Dallas Cowboys ak Green Bay Packers pou jwen yon envitasyon nan faz final la. Washington ap fè fon 4 viktwa 10 defèt.

XS
SM
MD
LG