Accessibility links

Breaking News

Gwo an Je nan Chanpyona Eropeyen an


Foutbòl / Eròp

Anpil boul an ewòp avèk Lig Chanpyon-an. Nan Gwoup A-a . Lidè-a Bordo ap jwe Macabi Haifa ki an dènye pozisyon. E nan mitan tablo-a , yon sèl gren ki separe-yo : Jouventous de Turin kont Bayern Munik , yon klasik nan foutbòl Mondyal-la. Nan Gwoup B-a Manchester United-Volsburg ; Besiktas-Moskou . Nan gwoup C-a Real Madrid-Marsèy ( Marsèy bezwen yon viktwa omwen 3-0 pou kalifye pou 8e de final-yo). Zurick-Milan AC. Gwoup D: Tchelsi –Nikozi ; Atletiko Madrid-FC Porto.

FIFA/ Foutbolè de Lane

FC Barselòn ak Real Madrid domine lis nomisyon FIFA fè pou seleksyone meyè jwè pou ane a ak yon total 5 jwè. Barselòn gen Andres Iniesta ak Xavi ansanm ak Arjanten Lionel Messi, yon gran favori pou ranpòte nominasyon an kap anonse nan 2 semen. Kaka ak Cristiano Ronaldo reprezante Real Madrid.

Bò kote meda m yo nou jwen Brezilyen Christiane ak Marta, Alman Inka Grings ak Birgit Prinze epi Angle Kelly Smith. Etazini ki klase numewo 1 mondyal pa gen reprezantan eksepte li figure 5 premye sondaj pou antrenè ak kapitè n. Seremoni FIFA ap dewoule nan vil Zurich 21 Desanm.

Ap gen yon nouvo pri tou. Youn pral rann omaj 11 meyè foutbolè sou planèt la ke plis pase 50 mil foutbolè pral chwazi. Lòt pri a pral jwen foutbolè ki make pi bè l gòl pandan ane a.

FIFA/ SPORT

Direktè Komunikasyon FIFA a Hans Klaus demisyone apre yon diskisyon sou yon kesyon strateji sou komunikasyon. FIFA aksepte demisyon an.

Japon / Koup du Mond

Gouvènman Japonè a kore kandidatu peyi a pou l akeyi koup du mond 2018 la ak 2022 a. Federasyon foutbòl peyi anonse lap soumèt dokiman yo ofisyèlman bay FIFA disi Vandredi

Je Azyatik

Japon ranpòte 5 meday dò nan natasyon Madi 8 Desanm nan Lachinn ranpòte 3 nan jeu Azi de Lès yo kap dewoule nan Hong-Kong. Najè chinwa-yo pran meday-yo nan kategori 400 mèt maskulen endividuèl ; 50 mèt bak , 200 mèt bak ; 4-par-100 mèt relè –naj lib; e 1500 mèt relè naj lib. Epi se medam-yo ki bay Lachinn medaj li-yo.

Pandansetan Kore-du-Sud domine taekwondo kote-l ranmanse tout 6 meday-yo madi 8 Desanm nan pou-l fini ak 13 meday nan 16 meday ki te disponib nan kategori-a .

Nan klasman meday-yo : Lachinn nan tèt ak 76 pami-yo 31 an ò . Japon 2e avèk 67 pami-yo 25 an ò . Epi Kore-du_Sud 3e ak 20 meday dò sou yon total 57 .

Baskètbòl / Etazini

Chauncey Billups make 31 pwen pandan Carmelo Anthony ajoute 14 pou ede Denver Nuggets tronse Philadelphia 76ers 93 a 83. Allen Iverson, ki retounen nan ekip la, make 11 pwen ak 6 pas ki make pwen nan defèt la. Nan New York Larry Hughes make 21 pwen epi David Lee make 17 pwen, trape balon an 10 fwa pou pèmèt New York Knicks danse sou Portland Trail Blazers 93 a 84. Nan lòt rankont Oklahoma City Thunder pilon-nen Golden State Warriors 104 a 88. Utah Jazz te fè anpil efò avan li kale San Antonio Spurs 104 a 101.

XS
SM
MD
LG