Accessibility links

Pwogram Lib Tribin Lavwadlamerik Sou Maladi Sida


Jounen Mondyal SIDA se 1e Desanm kap vin la a. Kom Prelid pou jou spesyal sa a, Sèvis Kreyòl Vwa d’lamerik la ap prepare plizyè segman ak pwogram sou VIH-SIDA, evolisyon maladi a, pwogrè nan tretman ni, pèspektiv pou lavni, elatriye. Se sou tèm sa a jisteman, lit kont VIH-SIDA, pwogram Lib Tribin jodi a dewoule.

Nou santre atansyon nou sou ka Ayiti ki te dekouvri premye ka SIDA lakay li nan kòmansman ane 80 yo. Depi lè sa a, donk sa gen yon ventèn lane, ti peyi sa a nan Karayib la tounen sant atansyon divès sektè. Nan yon premye tan, yo tap jete vèni sou li ak yon stereotype (yon bonèt yo taye mete nan tèt tout ayisyen) kòmkwa yo tout ka gen maladi a. Annapre, Ayiti te kòmanse resevwa anpil konkou entènasyonal pou lite kont SIDA ak virus ki bay SIDA a, VIH.

Ki pwogrè ki fèt deja? Ki sa ki rete pou fèt? E ki prekosyon moun dwe kontinye pran kont SIDA, malgre bès yo anrejistre nan kantite enfeksyon yo ann Ayiti ? Pou reponn kesyon sa yo, ak lòt ankò, VOA envite 2 espesyalis : Dr. Jn-Hubert Morquette, Direktè Nasyonal World Relief Corporation, ki pale ak nou depi Pòtoprens ak Dr. Marie-José François, Direktris e Fondatris Sant pou Byennèt ak Prevansyon Milti-kiltirèl nan eta Florid, avèk nou an dirèk tou depi vil Orlando.

Klike sou ralonj ki anlè e adwat pou koute pwogram Lib Tribin Lavwadlamerik la.

XS
SM
MD
LG