Accessibility links

Breaking News

2 Chanm Palman Ayisyen an Ratifye Nominasyon Jean-Max Bellerive Kòm Nouvo Premye Minis


Chanm depite ayisyen an ratifye Jean-Max Bellerive kòm nouvo premeye minis nan yon seyans ekstraodinè ki dewoule nan apremidi 7 novanm nan. 52 depite te vote an favè rapò komisyon ankèt ki tap ekzamine papye idantite Mesye Bellerive yo.

Ansyen minis planifikasyon ak kooperasyon ektèn nan te jwenn ratifikasyon li 24 è avan nan chanm Sena a ki te apwouve « avèk yon laj majorite » rapò komisyon ankèt chanm wot la.
Depite yo di y’p tann nouvo premye minis la semèn pwochèn nan chanm bas la pou l' vin prezante politik gouvènman li.

Palmantè nan 2 chanm yo voye yon avètisman bay nouvo premye minis la. Yo mande l’ pou l’ vinn avèk yon bon jan dosye, yon bon kabinè ministeryèl ak yon bon pwogram gouvènman kap montre ke l’ pral travay an favè popilasyon ayisyèn nan. Palmantè yo ajoute Mesye Bellerive dwe respekte kondisyon sa yo si li vle jwenn yon vòt favorab pou politik jeneral li.

Nouvo gouvènman an kapab antre an fonksyon nan fen semèn pwochèn nan. Jean-Max Bellerive gen 51 ans. Li se ansyen minis planifikasyon nan gouvèrnam demisyonè Michèle Pierre-Louis a. Se prezidan Rene Preval ki te chwazi l' nan tèt ansanm avek prezidan 2 chanm palman ayisyen an.

jleroy@voanews.com

XS
SM
MD
LG