Accessibility links

Breaking News

Dejan Belizaire Demisyone nan Tèt Konsèy Pati Politik yo


Konsèy Nasyonal Pati Politik yo anonse ofisyèlman demisyon Déjan Belizaire kòm prezidan antite sa a. Pòt pawòl Konsèy la, Mèt Osner Févry, di Lavwadlamerik Msye Belizaire pat dakò sou chwa 2 non manm yo rekòmande Prezidan René Préval nan kad fòmasyon nouvo Konsèy Elektoral Pwoviza a. Nou pat rive jwenn reyaksyon Msye Bélizaire jodi a.

Konsèy Nasyonal Pati Politik yo se youn nan rasanbleman k'ap reklame chita-tande ak Prezidan ayisyen an, epi elajisman pwochen KEP a. Prezidan an te bay yon limit semèn sa a pou tout sektè ki konsène soumèt nouvo non moun yo chwazi pou reprezante yo nan Konsèy Elektoral la, oubyen konfime ke y'ap konsève moun yo genyen la deja yo.

Si ou ta renmen koute deklarasyon Mèt Osner Févry a, fè klik sou ralonj ki anwo, adwat paj sa a.

XS
SM
MD
LG