Accessibility links

Breaking News

Vizit 2 Delegasyon Òm Dafè Entènasyonal Semèn sa a Ann Ayiti


Responsab nan ministè komès ak reprezantan Bank Entè-amerikèn Devlopman (BID) nan Pòtoprens, Philippe Dewez, reyini jounen 28 septanm nan pou prepare vizit 2 jou yon delegasyon entènasyonal òm dafè pral tanmen premye ak 2 oktòb ann Ayiti. Anvwaye espesyal LONU an, ansyen prezidan Bill Clinton, kap dirije misyon sa a ap gen avèk li prezidan BID la, Louis Alberto Moreno.

Selon Mesye Dewez, anviwon 200 òm dafè kap soti nan diferan peyi ap vinn etidye posibilite pou envesti ann Ayiti. Reprezantan BID la di: “Ojektif misyon sa a se chanje klima dafè a nan peyi a". Philippe Dewez ajoute gouvènman ayisyen an ta dwe fè plis efò pou fasilite envestisman etranje yo e redui chomaj la ann Ayiti.

Ak vizit 2 delegasyon òm dafè etranje--yon delegasyon ki sòti o Brezil e ki deja kòmanse siyonnen peyi a epi yon 2èm kap gen nan tèt li ansyen prezidan ameriken Bill Clinton--Ayiti nan sant aktyalite a semèn sa a.

George Sassine, prezidan ADIH (Association des Industries D’Haiti) di nou vizit delegasyon sa yo montre gen posibilite pou kreye travay ann Ayiti.

Sektè dafè a nan eta Florid, bò kote pa l pa sispann anvizaje posiblite envestiman ki egziste nan repiblik karibeyen an. Chanm de Komès Ayisyano-Amerikèn nan zòn nan ap travay pou ankouraje antreprenè al’ envesti Ayiti.

jleroy@voanews.com

klike sou ralonj ki anlè e adwat paj web la pou ou koute dènye nouvèl yo.


XS
SM
MD
LG