Accessibility links

Swis Roger Federer Anba Sanksyon


Tennis

Numewo 1 tenis Mondyal la Swis Roger Federer gen pou l peye yon amand 1500 dola apre li te joure abit santral la. Gen 2 lòt jwè tenis kap peye menm amand la. Responsab yo di yo ranmase yon total 31 mil 500 dola avèk Serena Williams nan tèt lis la ak 10 mil dola pou tèt li te joure n yon juj de liy plus yon lòt 500 dola pou tèt li te kraze yon rakèt . Kanadyen Daniel Nestor gen pou l peye 5 mil dola pou move kondwit kont fanatik yo.

Koup Davis

Nan kad match de baraj koup Davis , Roger Federer ranpòte match li-a an 3 sèt 6-3, 6-4, 6-1 jodi vendredi-a kont italyen Simone Bolelli. Avèk viktwa sa-a , La Suis ap men-nen 2-1 kont Itali . Suis Stanislas Wawrinka te ranpòte premye match-la kont Andreas Seppi. Nan lòt match de baraj Espay ap men-nen 2 a 0 sou Izrayel.

Foutbòl

Le prodige ajanten Lionnel Messi pwolonje kontral pou 2 zan avèk FC Barselòn---sa vle di jiskan 2016 puiske kontra avan –nan tap fini an 2014. Messi 22 zan ap touche anviwon 9 a 10 milyon dola chak ane.

Foutbòl/ Etazini

Balon pral woule isit Ozetazini nan lig foutbol balonwon ameriken an. Aswè a New Englad Revolution ap vizite New York Redsbulls epi San Jose ap akeyi Colorado Rapids. Demen Samdi a Chivas USA ap fè yon kout pye laka Seattle. Houston Dinamo ap akeyi Real Salt Lake. Dallas pral lakay Kansas City epi Los Anjeles Galaksi ap ap akeyi Toronto Foutbòl Klub. Dimanch Colonbus Crew pral lakay Chikago Fire.

Foutbòl/ Eròp

Klub Ukreyen Shakhtar Donetsk kòmanse defann tit Eropeyen an ak yon swif 4 a 1 li pase FC Brugge nan group J an. Nan menm group la Patizan de Belgrad tonbe devan klub franse Toulouz 3 a 2. Werder de Brem kale klub Pòtugè Nacional 3 a 2 nan group L la. Atletico Bilbao tronse Otrich de Vyè n 3 a 0. Ajax Amsterdam fè match nul 0 a 0 ak Timisoara. Anderlecht kale Dinamo de Zagreb 2 a 0.

Natasyon/ Frans

Naje franse Laure Manaudou anonse jodi a lap retret li. Manaudou, ki gen 22 zan, deklare li reyusi plis ke sa li te vle nan disiplin. A 17 tan Manaudou te ranpote 3 meday nan je zolenpik Aten 2004 yo pami yo yon meday do nan kous 400 met naj lib.

Baskètbòl

Espay kale la Frans 86 a 66 pou l kalifye pou semi final chanpyona baskètbòl Eropeyen an kap dewoule an Polòy. Espay kapab rankontre swa la Grès ou byen la Turki nan semi final la Samdi. Sèbi kalifye pou semi final la apre li kale la Rusi 79 a 68. Sèb yo pral rankontre nan semi final demen Samdi a Kwasi ou byen Sloveni.

Olempik/ Etazini

Prezidan Komite Olenpik Entènasyonal la Jacques Rogge di dènye mezantant li te genyen ak komite olenpik ameriken an pap afkekte chans pou vil Chikago akeyi je zolenpik 2016 yo. Msye Rogge di mezantant ant komite ameriken an ak komite entènasyonal la sou dwa retransmisyon konpetisyon an rezoud.

XS
SM
MD
LG