Accessibility links

Breaking News

Del Potro Fren-nen Federer


Tennis

Arjanten Martin del Potro ranpòte tounwa tenis US Open nan apre viktwa supriz kont Swis Roger Federer pou anpeche l ranpòte tounwa tenis US Open nan pou yon 6 zièm fwa afile. Del Potro suprann tout pwonostik pou kale Federer an 5 manch 3-6, 7-6, 4-6, 7-6, 6-2 pou l koze pi gwo supriz nan istwa tenis epi mete fen nan 40 viktwa afile Federer ranpòte nan Flushing Meadow

Vedèt tenis ameriken Serena Williams ak Venus Williams ranpòte touna tenis doub US Open nan apre yo kale Sud Afriken Cara Black ak Liezel Huber 6-2, 6-2.

Foutbòl / Etazini

New England Patriots remonte yon defisi pou l kale Buffalo Bills 25 a 24 nan kad match foutbòl zèpòl kare ki jwe chak Lendi swa. Nan yon lòt rankont Oakland Raiders tonbe devan San Diego Chargers 24 a 20.

Foutbòl/ Eròp

Unyon Foutbòl Eropeyen an ranvèse entèdiksyon 2 match komite disciplinè Lig chanpyon an te pran kont atakan Eduardo da Silva kap jwe nan Arsenal. Komite disiplinè a te pran sanksyon an kont da Silva apre li te plonje nan ti kare a pou l te kapab jwen yon penalite le 1 Septanb kont Celtics Glasgow. Unyon foutbòl Eropeyen an di desizyon an baze apre li gade yon video ak opinyon abit la

Atlètisme/ Jamayiken

4 kourè jamayiken, Yohan Blake, Landsford Spence, Marvin Anderson ak Allodin Fothergill ki te rekonèt yo te konsome substans entèdi nan spò resevwa yon suspansyon 3 mwa. Ministè spò, ki pran desizyon an, di mezu antre an aplikasyon imedyatman. Yon komite te jwen atlèt yo pat koupab men ajans anti-dopaj Jamayiken an te ale an apèl kote li te ranpòte la viktwa.

Baskètbòl

Nan chanpyona basketball Eropeyen an Espay wouze Lituani 84 a 70. Turki kontinye ap byen men-nen nan chanpyona apre yo kale an pwolongasyon Sèbi 69 a 64 pou yo rete envenku. New York Knicks siyen yon kontra an pati ak yon avan sant chinwa Sun Yue ki mezure 2 mèt 6

XS
SM
MD
LG