Accessibility links

Breaking News

Anvwaye Espesyal Lèzetazini pou Mwayen Oryan an, George Mitchell, di Lap Travay pou l Relanse Chitatande Lapè yo


Anvwaye spesyal Lèzetazini nan Mwayen Oryan an, ansyen senatè George Mitchell, fè konnen lap travay seryezman pou l wè si li ta rezoud pwoblèm ki anpeche negosaysyon lapè yo reprann ant lidè izrayelyen yo ak dirijan palestinyen yo. Misye Mitchell abòde dosye Mwayen Oryan an nan okazyon yon vizit lap fè nan vil Jerizalèm kote Ii déjà rankontre ak prezidan izrayelyen an, Shimon Perez. Jodi lendi a li gen pou l rankontre ak Premye Minis Benjamin Netanyahu anvan l al fè chita-tande avèk prezidan palestinyen an, Mahmoud Abbas. Youn nan pi gwo difikilte ki leve devan negosyatè yo, se pèmisyon gouvènman izrayelyen an te bay pou jwif yo konstui plis pèpleman sou tèritwa Si-Jòdani. Prensipal negosyatè palestinyen an, Saeb Erekat, pale pou l di kan pa l la pap fè pyès konpwomi sou kesyon pèpleman an; fòk izrayelyen yo mete fen nan konstriksyon sa yo. Misye Erekat ajoute --nap site : « Pap gen okenn konpwomi sou kesyon pèpleman an. Se pou Izrayèl mete fen nan tout aktivite sa yo e pran dispozisyon pou l respekte lòt akò li te siyen avèk nou. Si kondisyon sa yo pa respekte, nou pap reprann negosyasyon yo. »

Lèzetazini, li menm tou, mande Izrayèl mete fen nan konstruksyon yo. Bò kote pa l, premye-minis izrayelyen an, Benjamin Netanyehu, pale jodi lendi a pou l di genyen lòt pwoblèm li pral souvle nan rankont li pral fè ak misye Mitchell la.

«Genyen dosye kote nou fè pwogrè, menm jan genyen lòt kote nou pa avanse dutou. Mwen espere nou va kapab elimine baryè sa yo, yon fason pou n relanse pwosesis lapè a. Se pa Izrayèl ki kreye difikilte sa yo; si sete pou nou memm, negosyasyon avèk palestinyen yo ta kapab kòmanse depi demen.»

Misye Netanuahu te rankontre, yè dimanch la, nan vil Lekèr, avèk prezidan ejipsyen an Hosni Mubarak, pou yo te pale de pwosesis lapè Mwayen Oryan an. Laprès ejipsyèn fè konnen misye Mubarak mande pou Izrayèl mete fen nan pèpleman yo e reprann negosyasyon yo avèk palestinyen yo.

Jdesmara@voanews.com
XS
SM
MD
LG