Accessibility links

Deba Salè Minimum AnnAyiti: Reyaksyon Nan Florid


Ayisyen ki nan eta Florid yo ap suiv de prè deba sou salè minimum nan, nan peyi dAyiti. Relasyon sere ki egziste sou plan ekonomik ant peyi lakay ak diaspora a lakòz nenpòt chanjman nan sitiyasyon travayè ayisyen yo, oswa sektè ki bay travay nan peyi a, kapab gen konsekans sou manm kominote ayisyèn nan aletranje, ki oblije ap soutni sila yo ki nan peyi natif natal yo.

Korespondan nou Yves Mompremier sonde plizyè responsab nan Florid pou l'wè sa yo panse sou dosye a. Youn ladan yo se Wissel Piquant, Pòt-pawòl Chanm Komès Ayisyano-Ameriken Sant Florid la. Li mande yon antant ki pran an konsiderasyon ni aspè sosyal la, ni aspè ekonomik jeneral la, pou peyi a pa soufri pi devan.

Si ou ta renmen koute repòtaj Yves la, fè klik sou ralonj ki anwo, adwat, paj la.

XS
SM
MD
LG