Accessibility links

Breaking News

Jounalis Veteran Walter Cronkite Mouri Vandredi Swa Lakay li nan Nouyòk.


Walter Cronkite, premye prezantatè vedèt laj d'or mond odyovizyèl la (chèn televizyon yo) e ki te rapòte evènman yo avèk yon otorite ki bay asirans e ke ameriken yo kalfye kòm moun ki enspire yo plis konfyans Ozetazini mouri vandredi 17 jiyè 2009 la. Li te gen 92 zan.

Marlene Adler, chèf pèsonèl Cronkite, kap travay ak li depi dèzane, di ansyen prezantatè chèn televizyon CBS nan ane 60-70 yo mouri a 7:42 p.m. lakay li, ak tout manm fanmi li antoure l', nan Manhattan, Eta New-York. Mrs. Adler di selèb jounalis la mouri anba maladi vaskilè (1).

Cronkite se te 'vizaj" pwogram nouvèl "CBS Evening News" sòti nan ane 1962 pou rive nan ane 1981. Li te kouvri asasinay prezidan John F. Kennedy ak Rev. Martin Luther King Jr., manifestasyon kont lagè Viêtnam nan ak emet rasyal ane twouble Lèzetazini yo, eskandal Watergate la a kriz otaj Iran an. Se misye Cronkite ki te li "flash" ki anonse 22 novanm 1963 ke yo tire prezidan J.F. Kennedy nan Dallas, Eta Texas.

Leslie Moonves, direktè ekzekitif CBS Corporation, di nan yon kominike: "Walter Cronkite se te yon gran jounalis e yon jantiyòm. Eksperyans, onètete, pwofesyonalism ak stil li defini wòl prezantatè ak kòmantatè a."

Chèn televizyon CBS prezante yon pwogram espesyal dimanch swa ki rele "That's the Way it Was: Remembering Walter Cronkite,". An kreyòl: "Se Konsa Sa te Ye: An memwa Walter Cronkite".

(1) Vaskilè: ki gen rapò ak venn "vaisseaux" ki charye san nan tout pati kò kretyen vivan.
XS
SM
MD
LG