Accessibility links

Breaking News

Otorite Dominiken yo Arete Yon Sispèk Nan Kad Asasinay Ayisyen Carlos Nerilus Nan Repiblik Dominikèn


Lapolis Repiblik Dominikèn genyen 2 nan swadizan asasen dominiken ki te koupe tèt Carlos Nerilus, yon sitwayen aysiyen, nan semèn 26 avril la toupre kapital la, Santo-Domingo.

Kèk dominiken kap viv nan zòn kote krim sa a te dewoule a, remèt sispèk la, Confesor Reyes, bay polis nasyonal dominiken an ki tap chèche misye. Sepandan, prevni an demanti li mele nan krim nan.

Yon lòt dominiken, Rusbert de León Lará (Ningo), rann tèt li tou bay lapolis. Laprès nan R.D di li se frè adoptif Pascual de León Lará--yon kontremèt dominiken ke, dapre laklamè piblik, yon ayisyen te koupe tèt nan katye Buenos-Aires, tou pre vil Santo-Domingo nan kòmansman semèn 3 me a. Chèf polis dominiken an, majò-jeneral Guillermo Guzmán Firmín, pwomèt lapolis ap trennen koupab yo devan lajustis. Men li di otorite yo ap respekte tou dwa sispèk yo.

Antretan, oganizasyon imanitè Amnesty International, kap defann dwa moun atravè lemond, kondane krim sa yo e mande otorite dominiken yo pran bon jan mezi pou anpeche klima rasis ak klima vyolans kap devlope kont sitwayen ayisyen yo nan Republik Dominikèn.

Amnesty International apiye lide kèk asosiyasyon sosyete sivil nan 2 peyi yo (Ayiti ak R.D) lanse pou responsab yo mete sou pye yon kanpay edikasyon sivik pou sitwayen 2 dominiken e ayisyen aprann rezoud konfli yo nan lapè.

Etazini-Guantanamo

Minis jistis ameriken an deklare Lèzetazini pa pral mete sekirite sitwayen li yo andanje avèk transfè okenn prevni ki nan Baz Naval Guantanamo a, peyi Kiba, Ozetazini. Eric Holder bay yon komite Sena a asirans (sou komite apwopriasyon an) Etazini pa pral libere okenn teworis sou tèritwa ameriken an.

Holder di sekirite se “konsiderasyon nimewo 1 an” nan moman administrasyon prezidan Barack Obama a ap prepare l' pou l' fèmen sant detansyon Guantanamo a e deplase 241 prizonye ki fèmen laba a.

Palmantè yo te eksprime kè sote pou gouvènman federal la pa transfere prevni yo nan prizon Ozetazini, san konsilte otorite ak ofisyèl lokal Eta konsène yo.

XS
SM
MD
LG