Accessibility links

Breaking News

Premye Minis Michèle D. Pierre-Louis Ap Nan Washington Pou Konferans Donatè Yo


Premye minis aysiyen an, Michèle Duvivier Pierre-Louis, mande bayè de fon ki pral patisipe nan reyinyon 14 avril Washington nan apiye budjè 2008-2009 gouvènman li an. Gouvènman an prevwa yon defisi 125 milyon dola nan bidjè a, men li di li gen espwa (malgre kriz finansye mondyal la) Ayiti pral jwenn yon repons pozitif nan Konferans donatè yo ki pral dewoule nan kapital federal ameriken an, paske Ayiti byen prepare kaye doleyans li.

Madan Pierre-Louis ap dirije delagasyon ayisyen an, antanke chèf gouvènman. Toujou konsènan bidjè nasyonal la, prezidan komisyon finans chanm sena a, Nenel Cassy, di Lavwad'lamerik Gran Kò a ap vote jedi 9 avril la pwojè bidjè 2008-2009 la.

Yon lòt kote, fwa sa a sou plan elektoral, Pòtpawòl Konsèy elektoral Ayisyen an, Frantz Bernardin, di tout bagay pare pou eleksyon 19 avril la, e Minustah ak Polis Nasyonal la , bò pa yo, koumanse pran dispozisyon sekirite pou asire bon dewoulman vòt la. Ale sou ralonj ki anwo, adwat, paj web la pou devlopman tit sa yo.

XS
SM
MD
LG