Accessibility links

Breaking News

Etazini Ekonomik: Jiskilè Majorite Ameriken yo Pral Mete Konfyans yo nan Administrasyon Obama a?


Daprè dènye sondaj dopinyon yo, pi fò ameriken kontinye montre yo mete konfyans yo nan kapasite Administrasyon Obama a pou l jwenn solisyon pou kriz sektè finansye a ap travèse a. Kriz ekonomik la kòmanse genyen konsekans grav sou popilasyon an an jeneral e sou klas travayè a tou patikilyèman. Se konsa, kèk analis panse van opinyon piblik la kapab chanje direksyon si dispozisyon gouvènman an pran pou l fè fas ak kriz la, pa debouche sou chanjman pozitif anvan lontan. Moun k ap pèdi travay yo, moun k ap pèdi kay yo, pale pou di yo pa kakab kenbe enkò.

Pandansetan, pi gwo otorite responsab yo nan sektè ekonomik la o Zetazini (Depatman Finans ak Bank Santral), genyen pou yo prezante yon rapò, jodi mèkredi 18 mas la, sou sitiyasyon ekonomi amerikèn nan, tandiske prezidan direktè jeneral (PDG) yon gwo konpayi asirans (American International Group, AIG) genyen pou l konparèt devan kongrè a pou l reponn kesyon sou travay konpayi sa a k ap fonksyone ak lajan gouvènman federal la mete a la dispozisyon n. PDG a ap konparèt devan komisyon afè ekonomik Chanm Depite a aprè nouvèl te fè konnen AIG te peye direktè jeneral li yo plizyè milyon dola bonis yo chak aprè Kongrè a te fè l jwenn plizyè milya dola pou l pa t kriye fayit.

Pou w koute detay sou nouvèl sa a, klike sou lyen anlè a, adwat

XS
SM
MD
LG