Accessibility links

Breaking News

Gonayiv Paralize Apre Gwo Lapli Ki Tonbe Nan Wikenn Pase a


Lapli ki tonbe jedi pou louvri vandredi ak dimanch, respektivman sou Depatman Lwès e sou rejyon "Haut Artibonite la" bay rezidan kap viv nan zòn frajil anba la vil Pòtoprens ak nan Gonayiv yo avan-gou sa ka'p tann yo lè sezon lapli prentan ak sezon siklòn nan va antre nan 3 mwa. Depi vandredi sikilasyon pyeton ak otomobil pratikman enposib nan katye tankou Matisan, Pòtay Leogane, Boulevard Harry Truman, Anba Delmas, Pòtay Sen-Jozèf, Site Solèy e sou yon bon pòsyon Wout Ayewopò Toussaint Louverture la. Dapre chif direktè adjwen Biwo Pwoteksyon Sivil la, Pierre-Louis Pinchinat, kominike ta genyen 200 sinistre pou pi piti apre gwo lapli ki tonbe sou rejyon sa yo ki sitiye, pou pi fò, nan zòn metwopolitèn kapital la, Pòtoprens. Sitiasyon an pa miyò nan vil Gonayiv, nan Depatman Latibonit la, ki toujou ap fè fas ak konsekans tanpèt twopikal septanm ane pase yo.

Korespondan nou Alfred Jean ap ba nou yon lide sitiasyon an nan Site Endepandans la, apre Lapli ki tonbe nan nuit dimanch pou louvri lendi 2 mas la.

Ale sou ralonj ki mache ak atik sa a, anwo adwat paj web la pou devlopman sa a ak lòt pwen ki fè aktyalite a pou 2 mas la nan peyi Dayiti.

NDLR: Foto ki sou paj prensipal la, se yon foto pou ilistrasyon atik la. Li pa gen pou wè ak lavalas semen sa a, sètadi se pa foto dlo ki desann dimanch ki pase a.

XS
SM
MD
LG