Accessibility links

Breaking News

Depozisyon PDG Gwo Konpayi Otomobil yo Devan Kongrè Ameriken an


Isit o Zetazini, prezidan-direktè-jeneral 3 pi gwo konpayi ki fabrike e vann machin yo (General Motors, Chrysler ak Ford) konparèt jedi 4 desanm nan devan yon komisyon nan kongrè a pou yo defann demand yo fè pou gouvènman federal ameriken an pote yo sekou, san sa yo pa kache di y ap fè fayit. Se dezyèm fwa nan 2 semèn dirijan gwo konpayi yo prezante devan kongrè a nan kad demach y ap fè pou yo rete sou mache a, nan yon moman kote peyi a ak lemond ap travèse yon gwo kriz ekonomik.

Daprè nouvèl ki sòti nan Kapitòl la, genyen divizyon pami manm Komisyon Bankè Chanm Wòt Kongrè a sou kesyon pou konnen èske se yon bon bagay pou gouvènman an satisfè demand dijiran sektè otomobil la: yon kote, gen palmantè (tankou Senatè Christopher Dodd, Demokrat Eta Connecticut) ki panse leta federal dwe pase alaksyon kit li vle, kit li pa vle, paske se yon bagay ki nan enterè nasyon an an jeneral e sektè travay la an patikilye; e yon lòt kote, kèk lòt lidè nan kongrè a apiye lide ki fè konnen anyen pa garanti yon aksyon gouvènmantal pral pote bon rezilta nesesèman. Se opinyon kèk palmantè repibliken tankou Richard Shelby (Eta Alabama) ki di listwa montre entèvansyon leta federal nan sitiyasyon konsa se pa janm solisyon ideyal la.

Pou plis detay sou "Depozisyon PDG gwo konpayi otomobil yo" devan kongrè ameriken an jedi 4 desanm nan, klike sou lyen anlè a.

XS
SM
MD
LG