Accessibility links

Etazuni ak la Rusi Elimine nan Semi Final Koup Davis la


Tennis

Rafael Nadal kale ameriken Andy Roddick pou pèmèt Espay elimine Etazuni nan semi final koup Davis. Espay pral rankontre Arjantin ki elimine la Rusi 21 o 23 Novanm.
Nan group mondyal la la Swis kale la Bejik 4 a 1. Woumani wouze End 4 a 1 epi Sèbi tronse Slovaki 4 a 1. La Oland kale Kore du Sud 3 a 2 Kwasi elimine Brezil 4 a 1. Ostrali tonbe devan Chili 3 a 2..La Grand Bretay tonbe fas anba devan Otrich 3 a 2.

Rus Dinara Safina te fè yon sèl bouche ak konpatriòt li Svetlana Kuznetsova pou l ranpòte tounwa tenis Pan Pasifik la ki tap dewoule nan vil Tokyo o Japon.

Rus Vera Zvonareva remonte yon defisi 6-7, 0-6, 6-2 devan Peng Shuai pou l ranpòte tounwa tenis Open Guangzhou a an chin.

Atletisme

Kourè 400 mèt feminen Grèk Fani Halkia konparèt devan komisè gouvènman Grèk nan kad ankèt kap mennen sou dopaj. Halkia ki te ranpòte meday dò nan je zolenpik Atè n 2004 yo, te ekspulse nan Je zolenpi Peken yo apre li te teste pozitif pou yon substans entèdi 16 Out pase a.

Kourè Kenyan Julius Maritim ranpòte maraton Sidney devan konpatriòt li Benson Mbithi ak Ostralyen Jeremey Home. 960 atlèt ki te soti nan41 peyi te patisipe nan konpetisyon an anba yon tanperatu 21 degre celcius.


Cyclisme

Siklis espayòl Alberto Contador ranpòte kous bisiklèt Tour dEspay la pou l tounen 5 kièm siklis ki ranpòte 3 gran konpetisyon nan karyè l. Lòt konpetisyon yo se Tour de Frans la ak Tour dItali a.

Foutbòl / Ameriken

Washington Redskins suprann Arizona Cardinals 24 a 17 nan kad 3 zièm jounen chanpyona nasyonal la. Chanpyon sòtan an New York Giants toupizi Cincinnati Bengals 26 a 23. Miami Dolphins suprann New England Patriots 38 a 13. New York Jets ap rankontre San Diego aswè a.

Foutbòl / Eròp

Manchester United gen pou l peye plis pase 30 mil dola amand apre ekip la resevwa 7 katon jòn nan match nul 1 a 1 klub la fè ak Chelsea.
Nan lòt rankont ki dewoule sou kontinan Eropeyen an Bayern de Munik pran yon rakle 5 a 2 nan men Werder de Brem. An Itali Milan AC wouze Lazio de Wòm 4 a 1. An Espay Barselòn danse sou Sporting Lisbòn 6 a 1. Real Madrid ranpòte yon viktwa 2 a 0 devan Racing Santander. Olympik de Lyon ranpòte yon viktwa tou mens 1 a 0 devan Le Havre. An Oland duèl ant Feyernoord ak Ajax Amsterdam fini nul 2 a 2.

XS
SM
MD
LG