Accessibility links

Breaking News

Efò Sekou yo ap Kontinye ann Ayiti aprè Pasaj Divès Siklòn sou Peyi a


Ann Ayiti, pri gaz la pa bese malgre gen yon tandans a la bès sou mache entènasyonal la. Yon lòt kote, palman an konvoke Minis Edikasyon Nasyonal la pou l reponn kesyon sou rezon ki fè lekòl prive yo deja ap travay alòske gouvènman an te pran yon desizyon pou lekòl rete tann mwa doktòb la pou yo ouvè, yon fason pou soulaje papa ak manman pitit ki viktim anba seri siklòn ki frape peyi a nan semèn ki pase yo.

Pandansean, Asistan Sekretè Jeneral Oganizasyon Eta Ameriken (OEA), Albert R. Ramdin, gen pou rive jodiya ann Ayiti nan kad yon vizit evalyasyon, aprè plizyè siklòn te frape peyi a nan mwens pase 3 semèn. Pandan vizit sa a Anbasadè Ramdin ap genyen avèk li konseye espesyal li e diplomat ayisyen Jean Ricot Dorméus.

Anfen, Lakwa Wouj Ayisyèn mete ak patnè nasyonal e entènasyonal li pou l pote konkou bay viktim yo.

Klike sou lyen anlè a pou w koute devlopman nouvèl sa yo.

XS
SM
MD
LG