Accessibility links

Breaking News

Georgie ak La Russie Aksepte Plan Lapè La France Pwopoze a


Prezidan la Russie a, Dmitri Medvedev, anonse li pase lòd pou militè yo mete fen nan ofansiv kont repiblik Jòji a. Men, prezidan jòjyen an, Mikhail Saakashvili, deklare fò russ yo kontinye lanse atak sou tèritwa li. Sekretè Konsèy Nasyonal Sekirite Jòjyen an, Alexander Lomaia, di jounalis yo mèkredi apeprè 50 tank ak veyikil ame russ antre nan vil Gori. Mesye Medvedev anonse fen operasyon yo pandan prezidan franse a, Nicolas Sarkozy, te twouve l' nan Moskou pou transmèt deman peyi oksidantal yo kap reklame yon seselfe.

Msye Sarkozy deklare sèl sa peyi oksidantal yo vle se pou lapè retabli, pou moun nan rejyon an sispan soufri: "Trèv sa-a ta mete fen nan 5 jou atak san rete fòs aeryen ak twoup terès rus yo nan Jòji apre operasyon militè Jòji lanse kont gwoup separatis nan rejyon Ossetie di Sid yo ki vle pran endepandans yo vizavi Jòji pou yo ka fè pati la Russie pito "

Nouvèl yo rapote plus ke 2 mil moun mouri nan afwontman yo, yon chif ki daprè kèk analist ka monte pi wo toujou.

Prezidan russ la, Dmitri Medvedev, te prezante yon plan pou rezoud konfli a, e l' fè konnen prezans peyi la Frans ka ede tabli pi bon rapò ant Osseti du Sud ak Joji :

"Mwen kwè ke 6 pwen ki nan plan sa a pral oryante nou pou n' jwenn yon solisyon nan sitiasyon trajik sa a. Pwen sa yo kapab sèvi pou Jòji pou Ossetie du Sud e prezans peyi la Frans pral ede nan aplikasyon pwotokòl sa a".

Kèlkezè apre prezidan russ la finn anonse fen operasyon yo, otorite Jòji yo deklare sòlda yo kite rejion estratejik Kodori, nan Abkhazi, sèl zòn nan Abkhazi ki anba kontwòl gouvènman santral Jòjyen an.

Nan Tbilisi, prezidan Mikkhail Saakashvili, pran lapawòl madi devan yon gwo foul manifestan e li fè konnen avyon konba russ yo kontinye lanse atak sou kèk sib nan Jòji, malgre seselfe otorite russ yo anonse a. Li deklare tou peyi li anba okipasyon etranjè e lap retire kò l' Komunote Eta Endepandan yo, yon regwoupman 6 repiblik ansyen Inyon Sovietik la.

XS
SM
MD
LG