Accessibility links

Pòtpawòl Polis Nasyonzini an Di UNPOL ak Polis Nasyonal la Ap Travay Pou Kontre Ensekirite a


Pòtpawòl Polis Nasyonzini-an,UNPOL, komisè Fred Blaise deklare Polis Nasyonal la ak Polis Nasyonzini, kontinye mennen operasyon ansanm pou mete men sou kidnapè kap opere nan peyi Dayiti. Komisè Fred Blaise, ki tap pale sou vag kidnaping kap sakaje vil Pòtoprens depi mwa me a, di Lavwad'Lamerik ankèt yo ap kontinye sou anlèvman sitwayèn kanadyèn Nadia Lefèvre kidnapè yo libere mèkredi 28 me a.

Antretan, nan vil Saint-Marc, (ki sou yon distans 60 kilomèt anviwon ak kapital la) yon gwoup òganizasyon dwazimen ekzòte otorite ayisyen yo fè kichòy pou frenen e mete yon pwen final nan fenomèn ensekirite a. Galilée Périlus, korespondan Sèvis Kreyòl la nan rejyon an ap devlope pwen sa pou nou sou ralonj ki sou tèt atik sa a.

Yon lòt kote, Charles Edouard Baker, ansyen kandida nan eleksyon prezidansyèl 2006 yo, deklare nominasyon sitwayen Robert Manuel pou pòs premye minis la pa danse-kole ak konstitisyon 1987 la. Epi yon dife eklate nan Mache-anba (mache Vallières ou Mache an fè) nan sant kapital ayisyèn nan vandredi 30 Me a. Omwen yon moun mouri e genyen anpil dega.

Pou detay nouvèl sa yo fè yon klik sou ralonj ki anlè tèks la.

XS
SM
MD
LG