Accessibility links

Breaking News

Supriz nan Tiraj Osò Tounwa Tennis Roland Garos


Tennis

Tiraj-o-sò pou Entènasyono de Frans-yo ki dewoule jodi vandredi sa-a ki jantiy, ann pi favorab pou numewo 1 mondyal-la Roger Federer ke pou rival-li-a espayòl Rafaèl Nadal ki tonbe nan menm tablo ak Novak Djokovitch ki numewo 3 mondyal. Suis-la ( Federer...) evite sou pakou-l ajanten david Nalbandian ki nan mitan tablo-a e ki pa dwe gen pwoblèm pou premye tou-a devan ameriken Sam Querrey. Nap siyale brezilyen Gustavo Kuerten kap fè adyeul bay publik Rolan Garos-la ap jwe kont yon pitit tèt-a fransè Henri matthieu.

Kay medam-yo , situasyon pa dous pou chanpyon an tit-la Ana Ivanovitch (2 mondyal) ki gen devan Nicole Vaidisova (8e de final), amerikèn Serena Williams. Apre jubile Justin Henin , rus Maria Sharapova ap jwe wòl tèt de seri numewo 1. Lap jwe premye match-li kont konpatriyòt-li Dinara Safina.

Basketball

Nan 2e sòti pou Konferans de Lès-la , Detroit Pistons kale Boston Celtics a103 a 97 pou mete seri-a pat-pou-pat 7. 2 ekip yo ap rankontre demen Samdi a nan Detroit. Aswè a Los Anjeles Lakers pral chache yon 2 zièm viktwa lè lap akeyi pou yon 2e fwa nan seri-a San Antonio Spurs aswè a.

Football

Nan foutbòl, Lyon gen rande-vou avèk listwa demen swa nan Stad de Frans-la lè lap rankontre ak Pari Sen Jermen pou final Koup de Frans apre li finn ranpòte pou 7e ane afile chanpyona fouitbòl premyè divizyon-an. Lyon ki vize yon double konnen sa pap fasil paske li lakay PSG. Dirijan lyonè-yo avwe ke si Lyon kale demen , se ap youn nan pi bèl ane nan tout istwa klub. Lyon te pèdu an final ane pase devan Bordo.

Yon situasyon menm jan tou nan foutbòl italyen-an . Inter de Milan ki sot ranpòte 16e skoudeto nan istwa-l , ap jwe an deplasman lakay chanpyon antit-la As Wom pou Koup d’Itali-a. As Wom ki fini 2e nan chanpyona premyè divizyon-an.

Aktivite nan lig football balonwon ameriken an pou weekend nan. DC United ki tren-nen nan lig la ap akeyi demen Samdi a Toronto Football Klub. Real Salt Lake pral lakay Dallas. Kolombus Crew ap akeyi New England Revolution. Chivas pral lakay Kolorado Rapids epi Kansas City pral lakay Los Anjeles Galaksi.

XS
SM
MD
LG