Accessibility links

Breaking News

DC United Kalifye pou Semi Final KONKAKAF la


Football

D.C United kalifye pou semi final chanpyona KONKAKAF dè klub chanpyon ak vis chanpyon apre li pilon-nen klub Jamayiken Habour View 5 a 0 nan match retou a isit Washington. D.C United ap rankontre venkè rankont kap jwe jodi a ant klub Meksiken Pachuka ak klub Honduryen CD Motagua--2 ekip ki te fè match nul 0 a 0 nan match ale a. 2 jwè klub Habour View pat fè vwayaj la akoz anbasad ameriken nan Jamayik te refuze yo yon viza. Manke 3 lòt rankont kar de final Pachuka kont Motagua. Houston Dinamo kont Municipal epi demen Deportivo Saprissa kont Atlante.

Basketball

Lindsay Whalen make 14 pwen pandan ke Katie Douglas ajoute 13 pwen pou ede seleksyon basketball feminen ameriken an ranpòte yon viktwa 82 a 72 devan klub espayòl Ros Casares nan Valans. Ameriken yo trouve yo an Espay kote yap pase yon semen dantrenman nan kad preparatif yap fè pou je zolenpik yo. Ameriken yo ap jwe yon lòt rankont demen Jedi a avan yo retounen nan Chikago pou yon lòt kan dantrenman avan yo mete tèt pou Peken kote yo pral patisipe nan yon lòt tounwa.

Boston Celtics fren-nen Houston Rockets sou kous li apre viktwa 94 a 74 yè swa. Defèt ki mete fen nan 22 viktwa afile Rockets yo tap ranpòte depi 27 Janvye. Kevin Garnett make 22 pwen epi Paul Pierce kore viktwa a ak 20 pwen. Houston klase kòm 2 zièm ekip basketball nan istwa NBA a ki ranpòte plis viktwa afile. Nan lòt rankont Kobe Bryant make 29 pwen pou pèmèt Los Anjeles Lakers ranpòte yon viktwa tou mens devan Dallas Marvericks. Vladimir Radmanovic ajoute 21 pwen nan viktwa pou Lakers yo. Richard Hamilton make 24 pwen nan swif 136 a 120 Detroit Pistons ranpòte devan Denver Nuggets. Chikago Bulls, Sakramento Kings, Miami Heat ak Phoenix Suns ranpòte la viktwa tou.

Bò kote Univèsitè yo Mount St Mary ranpòte yon viktwa tou mens 69 a 60 devan Copin State pou l ranpòte match de baraj ki ba l dwa patisipe nan tounwa basketball univèsitè yo kategori maskulen. Mount Saint Mary ap kòmanse dans la Vandredi lè lap rankontre tèt de seri numewo rejyon Es la, North Carolina nan Raleigh na Karolin du Nò. Nap raple Kansas se tèt de seri rejyon Sant Wès la, Memphis se tèt de seri rejyon Sud la, UCLA nan tèt rejyon Wès la. Semi final nasyonal la fikse pou 5 Avril nan San Antonio Tekzas. Venkè yo ap rankontre an final le 7 Avril.

Tennis

Numewo 1 tenis mondyal maskulen an Swis Roger Federer kalifye pou 4 trièm tou Pan Pacifik la kap dewoule nan Indian Wells an Kalifòni. Federer fè 2 bouche ak franse Nicolas Mahut 6-1, 6-1. Arjanten David Nalbadian pase yon move moman avan li kale Tchèk Radek Stepanek 7-6, 0-6, 7-6.

Bò kote meda m yo Sèb Ivanovic elimine Italyen Francesca Schiavone 2-6, 7-5, 6-2 pou l kalifye nan kar de final la. Slovak Daniella Hantuchova elimine endyen Sania Mirza 6-1, 7-6,. Polonè Agnieszka te fè anpil efò avan li elimine ameriken Ashley Harkleroad 4-6, 6-2, 6-4.

Natasyon

Najè Olandè Pieter van den Hoogenband elimine nan kous 200 mèt naj lib chanpyona natasyon Eropeyen an kap dewoule nan Eindhoven Ekip relè Olandè a bat yon rekò nan kous 400 mèt naj lib chanpyon natasyon Eropeyen kap dewoule nan Eindhoven an Oland. Itali fini an 2 zièm pozisyon devan la Swèd. La rusi ranpòte konpetisyon senkronize a devan Almay pandan ke Ukrèn konsole l ak 3 zièm plas la.

Cyclisme

Siklis Ameriken Floyd Landis, kap fè fas ak suspansyon pou uzaj dròg nan kous bisiklèt Tour de Frans 2006 la, pral depozisyon jodi a devan Tribunal Abritraj Spòtif nan yon seyans prive nan vil New York. Landis espere konvenk komite a pou leve suspansyon 2 zan lap fè fas la epi pèmèt li reprann tit kous bisiklèt 2006 la. Seyans la kapab dure juska 6 jou. Landis pa janm sispann demanti rezulta tès ki ta fè konprann li te gen yon wo nivo testosteròn nan sann. Oken anons poko fèt sou dat Tribunal Abitraj Spòtif ap pran yon desizyon final.

XS
SM
MD
LG