Accessibility links

Breaking News

Etazuni Ranpòte Koup Algarv la


Football

Foutbòl feminen pou kòmanse. Seleksyon amerikèn-nan ranpòte tounwa Algarv-la apre viktwa-l 2-1 sou Pòtugal. Tounwa sa-a te reuni 12 nasyon. Nòvèj kale Almay 2-0 pou-l pran 3e plas-la.

Yon lòt kote , FIFA ogmante de yon milyon 500 mil dola lajan chanpyon dumond-la dè klub-la apre yo mete-yo dakò pou restore 5e plas-la. Tounwa sa-a kap dewoule soti 11 pou rive 21 Desanm ap ofri yon milyon 500 mil dolaAne pase 5e-nan ak 6e-nan te jwenn yon milyon. 6e plas-la ap touche menm kp̀òb-la ane sa-a .

Pa gen chanjman ki fèt nan 10 premye seleksyon football nasyonal yo nan klasman jeneral FIFA publiye chak mwa. Arjantin toujou nan tèt klasman an ak1556 pwen devan Brezil, Itali, Espay, Almay, Republik Tchèk, la Frans ak Portugal, la Oland ak la Grès. Etazuni pèdu 2 plas pou l klase 298 tièm ak yon total 837 pwen dèyè Meksik ki klase 16 zièm. Ayiti klase 97 tièm

Seleksyon Olenpik ameriken an fè match nul 1 a 1 ak Kuba nan kad tounwa final kalifikatif pou je zolenpik Peken yo zòn KONKAKAF la. Nan lòt rankont Honduras byen demare tounwa apre viktwa tou mens 1 a 0 li ranpòte devan Panama.

Jodi a group B a ap antre nan won nan Kalifòni kote Ayiti ap rankontre Gwatemala epi Kanada kont Meksik. 2 premye nan chak group ap kalifye pou semi final la epi venkè semi final la ap reprezante rejyon an nan Je zolenpik Peken ane sa a.

Jodi a nan Jamayik Habour View ap rankontre DC United nan kad match ale chanpyona KONKAKAF dè klub chanpyon ak vis chanpyon an. Match retou a fikse pou Madi pwochen isit Washington. Yè swa nan Tegucigalpa, Honduras Motagua fè match nul 0 a 0 kont klub Meksiken Pachuca nan match ale kar de final la.

Klub football angle Liverpool elimine klub Italyen Inter de Milan nan 8 tièm de final match an reta lig football Eropeyen an. Avèk viktwa sa a Angle yo gen 4 klub kap patisipe nan kar de final la--Manchester United, Arsenal ak Chelsea. Se premye fwa 4 klub nan yon menm peyi kalifye pou kar de final la. Lòt kalifye yo se AS Wòm, Shalke 04 ak Barselòn. Tiraj osò a fikse pou Vandredi.

Nouvèl kap sikule fè konnen, Laurent Blanc sou lis pou-l ranplase Frank Rijkaard nan tèt Barselòn lè sezon Liga-a va fini. Lòt rume site non Michael Laudrup kap antrene Getafe. 2 mesye sa-yo te jwe tou lè 2 pou Barselòn. Barsa twouve-l aktuèlman an 2e pozisyon ak 6 pwen de retard pa rapò ak Real Madrid. Epi Barsa ap pare tou kar de final Lig Chanpyon-an.

Prezidan FIFA a Sepp Blatter pote supò bay travayè konstruksyon 10 stad an Afrik du Sud. Patwon FIFA a di li ta renmen travayè yo resevwa tretman ki rezonab akoz FIFA gen responsabilite moral ki konekte ak koup du mond la. Kòmantè sa a fè nan moman sendika travayè yo menase pou sispann travay nan konstruksyon 9 stad.

Responsab seleksyon nasyonal brezil la ap jwe entegre plis jè n nan seleksyon an nan moman lap chache yon balans avan dewoule je zolenpik yo. Brezil gen pou l rankontre la Swèd mwa pwochen an nan vil Lond ak yon seleksyon ki gen o mwen 10 jwè mwen de 23 zan ladan. Antrenè Dunga ekate pou kounye a Ronaldinho. Dunga fè konnen li kapab konvoke Ronaldinho nan kad match kalifikatif brezilyen yo gen pou jwe an Jwen pwochen.

Tribunal Abitraj spòtif la leve entèdiksyon avi ki tap peze sou ansyen prezidan Federasyon football Togo a Adaglo Tata Avlessi. Konfederasyon Football Afriken an te pran yon sanksyon avi kont prezidan Federasyon anba akuzasyon li tap chache grese men yon abit pandan yon rankont football ant Tunizi ak Togo an Mas 2007 kategori kadè.

Basketball

Los Anjeles Lakers kale Toronto Raptors 117 a 108 nan match gason pa kanpe Kobe Bryant make 34 pwen nan viktwa. Chikago Bulls suprann Utah Jazz ak yon swif 108 a 96. Washington Wizards danse sou Milwaukee Bucks 105 a 97. Indiana Pacers te fè anpil efo`pou l kale Seattle Supersonics 114 a 107 pandan ke Portland Trail Blazers pilon-nen Minnesota Timberwolves 103 a 96. Phoenix Suns danse Memphis Grizzlies 132 a 111.

Olympic/ Londre

Komite òganizatè Je Zolenpik Lond yo an 2012 deklare konstruksyon stad olenpik la nan Lès vil Lond ap kòmanse 3 mwa avan dat yo te prevwa. Stad la kap gen yon kapasite 80 mil plas ap sèvi kòm seremoni douvètu ak klotu plis kous atletisme. Apre je yo stad la ap konvèti l kòm yon enstalasyon 25 mil plas kap akeyi konpetisyon atletisme.

XS
SM
MD
LG