Accessibility links

Tiraj Osò Eliminasyon Je Zolenpik yo Fikse pou Lendi


Football

Responsab yo nan KONKAKAF la anonse tiraj osò pou eliminasyon je zolenpik Peken yo ap demare Lendi nan vil New York. Tounwa a ap dewoule nan Meksik soti 2 pou rive 13 Avril ak patisipasyon 6 peyi. Trinidad and Tobago, Jamayik, Meksik, Etazuni, Kosta Rika ak Kanada.

Doktè yo nan yo vil Pari ekzeyate footballè Brezilyen Ronaldo apre yon semen li pase nan lopital kote li te subi yon operasyon nan pye. Vedèt brezilyen an di li gen pou l deside si wi ou non lap kontinye jwe football apre operasyon an. Ronaldo fè konnen se yon bagay kap difisil fizikman. Li fè konnen volonte l dikte pou l kontinye jwe men kò a pa reponn ak kote mantal la.

Konpayi ekipman spòtif ameriken Nike an ranplase konpayi Alman Adidas pou sponsorize seleksyon football franse a dapre nouvèl respondab yo anonse jodi a nan vil Pari. Dapre nouvèl yo Nike dakò pou l peye 320 milyon dola sou yon periòd 90 mwa epi founi seleksyon an ekipman pou plis pase 3 milyon dola chak ane. Konpayi an dakò pou l bay plis bonus depann de rezulta seleksyon an renmèt nan konpetisyon entènasyonal. Nouvo kontra a, kap kòmanse an 2011, ofri federasyon footbal franse 4 fwa la valè resous an plis de kontra lite genyen ak Adidas kap patwone seleksyon franse a depi 1970 e kap ekspire an 2010.

Antrenè seleksyon Angle a Italyen Fabio Capello mande jwè yo pou adapte ak ekzijans taktik li si yo vle reyusi ak seleksyon an. Capello pral fè pwochen tès li kont la Frans mwa pwochen an.

4 klub alman Bayer Leverkusen, Hambourg, Bayern de Munich ak Werder de Brem kalifye pou 8 tièm de final tounwa football Unyon Eropeyen an. Marseille, Glasgow Rangers kèk pami lòt kalifye yo. Match ale 8 tièm de final la fikse pou 6 Mars.

Basketball

Aswè a nan NBA a Sakramento Kings pral lakay Charlotte. Phoenix Suns ap akeyi Boston Celtics.Washington Wizards pral lakay Cleveland. Se kèk pami rankont kap dewoule aswè a.

Yè swa Miami Heat kontinye ap monte yon maswife nan NBA a apre defèt yo subi devan Houston Rockets yè swa 112 a 100 . San Antonio Spurs ranpòte yon viktwa de justès devan Minnesota 100 a 99 epi Portland te fè anpil efò avan li kale Seattle 92 a 88.

Kèk ekip nan NBA a pwofite de dènye jou delè a pou yo boukante jwè youn ak lòt. Gen 11 jwè ki chanje ekip ant Cleveland Cavaliers, Chikago Bulls ak Seattle Supersonics. Ben Wallace kite Chikago Bulls pou l al jwe nan Cleveland.

XS
SM
MD
LG