Accessibility links

Dezyèm Pati Sezon NBA a ap Demare Aswè a


Basketball

2 zièm mwatye sezon NBA a ap demare aswè a nan moman manke 30 jounen pou sezon regulye a fini . Se yon moman kote ekip basketball yo pral fè plis efò pou chache youn pami 8 plas ki disponib nan chak konferans yo. Kèk pami rankont kap jwe jodi a ap mete bab pou bab Washington Wizards ap akeyi New York Knicks. Houston Rockets ap fè yon kout pye lakay Cleveland. Utah Jazz ap akeyi Golden State Warriors. Memphis pral lakay Seattle epi Los Anjeles Lakers ap akeyi Atlanta.

Je Zolenpik

Prezidan Komite Olenpik Entènasyonal la Jacques Rogge fè konnen je zolenpik Peken yo pral yon suksè malgre menas boykòt kap fèt ak demisyon direkè sinema a Steven Spielberg. Nan yon entèview msye Rogge bay yon jounal spòtif espayòl, li fè konnen mouvman olenpik pi djanm ke nenpòt endividu. Yon palmantè Olandè mande yon boykotaj entènasyonal fèt kont seremoni douvètu a akoz li konsidere inapropriye pou konpetisyon an dewoule nan yon peyi ki pa respekte dwakretyen vivan. Malgre kritik yo plizyè chèf leta tankou prezidan Bush, chanselye alman Angela Merkel ak prezidan franse a Nicolas Sarkozy

Komite òganizatè yo je zolenpik Peken 2008 yo anonse se responsab chinwa ki pral dirije tout 28 disiplin spòtif konpetisyon an.

Jujman yon militan teryen chinwa kòmanse jodi a apre li te lanse yon kapay kont otorite yo ane pase ki tap chache pran tè peyizan yo. Otorite yo akuze militan kòm moun kap fè konplo kont sekurite gouvènman apre li te kolekte 10 mil siyatu pou fè pase revandikasyonn. Avoka kap defann akuze di msye Yang inosan pandan li di mete siyatu sou entènèt la pa reprezante oken menas pou sekurite leta

Otorite anti dopaj ostralyen anonse yo pran sanksyon kont 5 atlèt pou dopaj. Otorite sispann pou 2 zan chanpyhon ski notik Simon Musgrove, levè de pwa Peter Costigan ak 3 lòt akoz yo te teste pozitif apre tès revele yo ta konsome yon seri de medikaman entèdi pou moun kap pratike spò.

Football

Federasyon Football Iranyen an anonse lap chache yon antrenè dorijin Iranyen pou antrene seleksyon an apre espayòl Javier Clemente rejte òfr yo te fè l pou l pran tèt seleksyon an. Msye Clemente te ensiste lap rete viv nan peyi l olye pou l viv an Iran. Responsab yo di Clemente pat vle siyen yon adendum nan kontra a ki otorize l kite peyi sèlman 2 fwa par an.

Footballè Angle David Beckham fè konnen tounwa li Pan Pasifik li pral patisipe nan Hawai ak Los Anjeles Galaksi kapab kontribue yon pi bon sezon nan MLS la ane sa a. Gen 4 ekip kap patisipe nan tounwa sKlub Japonè Gamba Osaka, klub Ostralyen Sidney Football Klub, 2 klub ameriken( Los Anjeles Galaksi ak Houston Dinamo. Tounwa a ap demare demen Mèkredi a nan Honolulu.

Prezidan Ukrenyen an Viktor Yushchenko fè konnen li pral envite prezidan Unyon Football Eropeyen an Michel Platini pou l vinn wè ap pwòp je pwogrè peyi a ap nan konstrui stad ki pral akeyi koup dErop dè Nasyon an an 2012 ansanm ak Polòy. Japon fè konnen li pral bliye ekzistan publik Chinwa a nan okazyon rankont 2 peyi yo ap jwe demen Mèkredi nan kad chanpyona Azi du Sudès la.

Tennis

Tchèk Radek Stepanek kale Chilyen Paul Capdeville 7-6, 6-1 nan kad premye tou tounwa tenis kap dewoule nan San Jose Kalifòni.

Rus Teimuraz Gabasvili suprann espayòl Juan Carlos Ferrero 7-5, 6-1 nan tounwa tenis Rotterdam nan an Oland.

Cyclisme

Siklis arjanten Juan Jose Haedo ranpòte premye etap kous bisiklèt Tour Kalifòni a. Yon delegasyon siklis ayisyen gen pou patisipe nan kous bisiklèt Vuelta Independencia an Republik Dominikèn nan fen semen nan.

XS
SM
MD
LG