Accessibility links

Breaking News

Anbasadè Janet A. Sanderson Nan Pòtoprens Inogure Jounen Mondyal Sida a Avèk Yon Seminè Kosyantizasyon


4 jou anvan Jounen Mondyal Sida a, anbasadè Etazuni nan peyi Dayiti a, Janet A. Sanderson, inogure yon seminè "sansibilizasyon" nan kapital ayisyen an, Pòtoprens. Minis Sante ayisyen an, Gabriel Timothée, jounalis, espesyalis kap travay sou pandemi an ak malad kap viv ak virus VIH la te reponn envitasyon sa a.

Objektif seminè a:sansibilize popilasyon an atravè enfòmasyon ki se yon zouti enpòtan anpil, dapre anbasadè Sanderson, nan batay kont virus mòtèl la. Diplomat

ameriken an envite publik la aksepte (pa ekzèse diskriminasyon) e trete ak konpasyon moun ki enfekte ak virus VIH la ou kap soufri ak maladi Sida a. Enfòmasyon ak Prevansyon rete youn nan meyè mwayen pou anpeche virus la kontinye simaye pami popilasyon mondyal la.

Madam Janet A. Sanderson reyafime tou apui gouvènman ameriken anfavè pwogram lut kont maladi a nan peyi Dayiti.

Korespondan Rotchild François Jr. gen yon repòtaj sou tèm sa a sou ralonj ki sou tèt aktik sa a.

Yon lòt kote, se Komisè polis Frantz Thermilus souliyen mank mwayen polis ayisyen an pou l' lite kont fenomèn ensekirite a ki reparèt anfòs depi 2 dèye semèn yo nan plizyè pwen peyi Dayiti. Kòlèg nou Jean Robert Philippe te abòde tèm sa a ak msye Thermilus.

Nou ka koute deklarasyon komisè a sou 2zyèm ralonj ki anba repòtaj Rotchild F. Junior la

NB: Jounen Mondyal Sida a se Le 1er desanm.

XS
SM
MD
LG